नरडाणा:बेटावद येथे मश्जिदीत सामाईक नमाज पठण करणाऱ्यांविरूध्द नरडाणा पोलीस स्टेशन येथे गुन्हा दाखल करण्यात आला आहे.
नरडाणा पोलीस स्टेशन येथे दिलेल्या फिर्यादीत म्हटले की,राज्यात संचारबंदी असल्याने साथ रोग प्रतिबंधक कायदा धुळे जिल्ह्यात लागु करण्यात आला आहे.
दि २३ रोजी सायंकाळी नरडाणा पोलीस स्टेशनचे पो कॉ निलेश पाटील,पो कॉ एल व्ही चौधरी,पो कॉ सचिन वाघ व पो कॉ गोरख चौधरी आदी जण गस्त घालण्यासाठी बेटावद येथे गेले होते.गस्त घालत असतांना त्यांना बेटावद येथील मदीना जामा मश्जिद येथे सामाईक नमाज पठाण सुरु असल्याची माहिती मिळाली. त्या माहिती वरून पोलीस कर्मचारी मश्जिदीच्या बाहेर पटांगणावर थांबले. यावेळी नमाज पठण करून ६ ईसम मास्क न घालता बाहेर आले.
पोलिसांनी त्यांची विचारपूस केली व नरडाणा पोलीस स्टेशन येथे पो कॉ निलेश पाटील यांनी दिलेल्या फिर्यादीवरून ६ जणांविरुद्ध भांदवी कलम १८८ प्रमाणे गुन्हा दाखल करण्यात आला.
कोणत्याही टिप्पण्या नाहीत:
टिप्पणी पोस्ट करा