अमळनेर(प्रतिनिधी):--
अमळनेर शहरातील महिला,विद्यार्थी,युवा तसेच आबालवृद्धांच्या सर्वांगीण विकासासाठी अमळनेर तालुका व शहर विकास आघाडीच्या माध्यमातून विविध विकासकामांना डोळ्यासमोर ठेऊन माजी मंत्री तथा आमदार अनिल पाटील,खासदार स्मिता वाघ,माजी आमदार कृषिभूषण साहेबराव पाटील, माजी नगराध्यक्षा जयश्री पाटील यांच्या नेतृत्वाखाली विविध विकासकामे सुरू आहेत.
शहरात उभे राहत असलेले भव्य क्रीडा संकुल, जगभरात नावलौकिक असलेले मंगळग्रह मंदिराचा होत असलेला कायापालट, झामी चौक भागात उभा राहत असलेला जलकुंभ,छत्रपती शिवाजी महाराज उद्यानाचे सुशोभीकरण,तरुणांसाठी तयार तयार होत असलेल्या अभ्यासिका,पैलाड भागातील स्मशानभूमीचे नूतनीकरण यासह विविध विकासकामे प्रगतीपथावर आहेत.
क्रीडा संकुलामुळे तरुणांच्या तसेच खेळाडूंच्या प्रगतीला मिळाली धाव
अमळनेर शहरातील मारवड रस्त्यावर १० कोटी निधीतून भव्य क्रीडा संकुल आकार घेत असून या क्रीडासंकुलाच्या माध्यमातून शहरातील हजारो तरुण विविध स्पर्धा परीक्षांच्या मैदानी चाचणीसाठी स्वतःला तंदुरुस्त ठेवत आहेत.
हक्काच मैदान मिळाल्यामुळे अनेक होतकरू तरुण पोलिस भरती तसेच इतर परीक्षांसाठी तयारी करतांना दिसून येत आहेत.याच क्रीडासंकुलात बॅडमिंटन कोर्ट,माती तसेच गादीवरील कुस्तीची सुविधा,जॉगिंग ट्रॅक,टेबल टेनिस,ओपन जिम तसेच इतर सुविधा उपलब्ध आहेत.जिल्हा क्रीडा संकुलाच्या धर्तीवर अमळनेर तालुका संकुलात सुविधा पुरविण्यात येत आहेत.बंगाली फाईल,तांबेपुरा,पिंपळे रोड,गलवाडे रोड,मारवड रोड,ढेकू रोड तसेच शहरातील विविध भागातील तरूण याचा आपल्या चांगल्या भविष्यासाठी फायदा घेत आहेत.
शहरातील मंगळग्रह मंदिराची देशभरात एक वेगळी ओळख निर्माण झालेली आहे.आमदार अनिल भाईदास पाटील यांच्या आमदार निधीतून मंदिराच्या परिसरातील विविध विकासकामांसाठी २५ कोटींचा निधी मिळाला असल्याने मंदिराचा कायापालट होत आहे.
शहरातील झामी चौक भागात असलेला जीर्ण जलकुंभ पाडून त्याठिकाणी ३ कोटी निधीतून नवा जलकुंभ उभारला जात आहे.यामुळे माळी वाडा,कसाली मोहल्ला,अमलेश्वर नगर व त्या परिसरातील नागरिकांची नागरिकांची पाण्याची समस्या कायमस्वरूपी संपणार आहे.
शहरातील पैलाड भागातील मुख्य स्मानशभूमी ची दुरावस्था झाल्याने १ कोटींच्या निधीतून त्या स्मशानभूमीचे नूतनीकरण करण्यात येत आहे,यामुळे अंत्यसंस्कार सुरळीत होणार आहेत.पर्यावरणाचा समतोल साधला जावा यासाठी विद्युत् दाहिनी देखील या ठिकाणी उभारली जाणार आहे.
शहरातील विविध प्रभागांमध्ये स्पर्धा परीक्षांचा अभ्यास करणाऱ्या विद्यार्थ्यांसाठी अद्ययावत अभ्यासिका व ग्रंथालयांची उभारणी करण्यासाठी २ कोटींचा निधी मिळाला असून काही प्रभागात कामे सुरू आहेत.यामुळे विद्यार्थ्यांना चांगल्या सोयीसुविधा मिळणार आहे.
शहराचा हाच विकास यापेक्षा दुपटीने होणार असून शहराच्या विकासासाठी अमळनेर तालुका शहर विकास आघाडीचे नगराध्यक्ष पदाचे उमेदवार जितेंद्र ठाकूर तसेच १८ प्रभागातील ३५ उमेदवारांच्या नावासमोरील शिट्टी चिन्हाचे बटण दाबून त्यांना विजयी करण्याचे आवाहन अमळनेर तालुका शहर विकास आघाडीच्या माध्यमातून करण्यात आले आहे.
कोणत्याही टिप्पण्‍या नाहीत:
टिप्पणी पोस्ट करा