हिंदू सेवा संघ श्री . सुनिल सुर्यवंशी , शशिकांत चौधरी व मुकेश शेवाळे
करवंद ता . शिरपूर येथील सनस्टार कंपनीत मक्यावर प्रक्रिया करुन पावडर निर्मीती केली जाते . हया प्रक्रियेमुळे खुपच उग्र दुर्गंधी येते .त्यामुळे परिसरातील नागरीकांचे आरोग्य धोक्यात आले आहे . लहान मुले तसेच वयस्क यांना श्वासोश्वासाचा त्रास होत आहे .डोकेदुखी ,चक्कर ,मळमळणे,उलटी होणे अशा अनेक प्रकारच्या शारीरिक व्याधींना नागरीक तोंड देत आहेत.आम्ही हे म्हणीत नाहीत की आपण कंपनीस टाळे ठोकावे.आमचे म्हणणे ऐवढेच आहे की दुर्गधी थांबविण्यासाठी आवश्यक ती उपाययोजना करण्यात यावी.पण सदरील कंपनीविरुद्ध गेल्या एक दोन वर्षात नागरीकांनी निवेदन ,तकार अर्ज ,आदोलने केलीत पण कंपनीने वा सरकारी यंत्रणेने कोणतीही दखल घेतली नाही ,म्हणून हिंदू सेवा संघाच्या वतीने श्री .सुनिल सुर्यवंशी , शशिकांत चौधरी व मुकेश शेवाळे यांनी प्रशासनामार्फत कंपनीस८ दिवसांत कारवाई न केल्यास चिमणी उडवू असा निर्वाणीचा इशारा दिला आहे . सदरील निवेदन मा . श्री . विक्रमजी बादल , प्रांताधिकारी साहेब , शिरपूर व मा . श्री . हेमंतजी पाटील साहेब ,पोलिस निरिक्षक , शिरपूर पोलिस स्टेशन शिरपूर यांना देण्यात आले आहे .शिरपूर तालुक्यातील जनतेचा रोष पाहता कारवाई होईल अशी अपेक्षा केली जात आहे .
कोणत्याही टिप्पण्या नाहीत:
टिप्पणी पोस्ट करा