जिवा भावाची मैत्री' या सामाजिक उपक्रमांतर्गत सुरगाणा पोलीस स्टेशनचे कर्तव्यदक्ष उप पोलीस निरीक्षक मनोज कुवर यांनी त्यांचा वाढदिवस जिल्हा परिषद प्राथमिक शाळा, करंजाळी (ता. सुरगाणा, जि. नाशिक) येथे विद्यार्थ्यांसोबत उत्साहात साजरा केला.
यावेळी विद्यार्थ्यांना शैक्षणिक साहित्य, चिवडा व सोनपापडीचे वाटप करण्यात आले. विद्यार्थ्यांच्या चेहऱ्यावरील आनंद पाहून कार्यक्रमाला विशेष रंगत आली. समाजाप्रती असलेली बांधिलकी जपत वाढदिवस सामाजिक उपक्रमाद्वारे साजरा करण्याचा आदर्श यावेळी मनोज कुवर यांनी घालून दिला.
कार्यक्रमास 'जिवा भावाची मैत्री' ग्रुपचे अध्यक्ष वसंत बागुल , उपाध्यक्ष महेश धुम, तसेच सदस्य संजय चौधरी भाऊसाहेब , चिंतामण गवळी दिलीप गांगुर्डे, गणेश गावित, आलम शेख, सामाजिक कार्यकर्ते दिनेश चौरे उपस्थित होते. शाळेचे मुख्याध्यापक भरत पवार, उपशिक्षक अविनाश धुम व शाळेतील विद्यार्थी मोठ्या संख्येने उपस्थित होते. उपस्थितांनी मनोज कुवर यांना वाढदिवसाच्या शुभेच्छा देत त्यांच्या सामाजिक कार्याचे कौतुक केले.
कोणत्याही टिप्पण्या नाहीत:
टिप्पणी पोस्ट करा