धुळे - साक्री तालुक्यातील उंभर्टी येथे सन २०१६ ते २०१७ मध्ये जलयुक्त शिवार योजनेअंतर्गत धरणाच्या दुरुस्तीचे काम निकृष्ट दर्जाचे करण्यात आले आहे. यामुळे हजारो क्‍यूसेस पाणी वाया जात असून परिसरातील गावकऱ्यांनाही या गळती लागलेल्या धरणाचा धोका निर्माण झाला आहे.
त्यामुळे संबंधितांवर कारवाई करावी अशी मागणी करत आज उंभर्टी गावातील शेतकऱ्यांनी प्रहार जनशक्ती पक्षाच्या नेतृत्वाखाली जिल्हाधिकारी कार्यालयासमोर अर्धनग्न अवस्थेत लक्षवेधी धरणे आंदोलन केले
गावातील दोन्ही धरणाचे काम निकृष्ट दर्जाचे झाले असल्याने संपूर्णत: या बोगस कामाचे पितळ उघड झाले आहे.
सर्वत्र धरणाला गळती लागली असून यामुळे हजारो क्‍यूसेस पाणी देखील वाया जात आहे. या पाण्यामुळे शेतीपिकांसह गावकऱ्यांनाही धोका निर्माण झाले असल्याची तक्रार शेतकर्‍यांनी केली आहे. या कामात मोठ्या प्रमाणात भ्रष्टाचार झाला असून भ्रष्टाचारीना पाठीशी घालण्याचं काम देखील होत असल्याचा आरोप करण्यात आला आहे.
लघु सिंचन विभाग,धुळे जिल्हा परिषद,व पंचायत समिती लघु सिंचन विभाग येथील,अधिकारी-कर्मचारी यांनी खोट्या पद्धतीने कामाचे निरीक्षण केल्याचा आरोपही यावेळी करण्यात आला आहे.
तसेच ठेकेदार मयूर कंट्रक्शन पिंपळनेर चिकसे यांच्याकडे देखभाल दुरुस्ती ही निविदा पासून ते पाच वर्षासाठी असतानाही कुठल्याही प्रकारे या धरणाच्या दुरुस्तीचे काम मार्गी लावण्यात आले नाही. त्यामुळे यांच्यावरही गुन्हा दाखल करून त्यांचा परवाना कायमस्वरूपी रद्द करून त्यांचा काळ्या यादीत समाविष्ट करावा अशी मागणीही या शेतकऱ्यांनी प्रहार जनशक्ती पक्षाच्या माध्यमातून केली आहे.
प्रहार जनशक्ती पक्षाचे साक्री तालुका प्रमुख कैलास भदाणे यांच्या नेतृत्वाखाली जिल्हाधिकारी कार्यालयासमोर अर्धनग्न अवस्थेत धरणे आंदोलन करण्यात आले आहे.जोपर्यंत मागण्या पूर्ण होत नाही, तोपर्यंत आंदोलन सुरू राहणार असल्याचा पवित्राही आंदोलनकर्त्यांनी यावेळी घेतला आहे.
तरुण गर्जना वृत्तपत्र सह
चंद्रशेखर अहिरराव धुळे
कोणत्याही टिप्पण्‍या नाहीत:
टिप्पणी पोस्ट करा