व्हॉटसअॅपवर फोटो व्हायरल करण्याची धमकी देत महिलेवर अत्याचार ;दोन जणांविरुद्ध चोपडा ग्रामीण पोलीस ठाण्यात गुन्हा दाखल..
चोपडा(प्रतिनिधी)-तालुक्यातील एका गावात राहणाऱ्या २५ वर्षीय महिलेला तिचे व्हीडीओ व फोटो व्हॉटसअॅपवर व्हायरल करण्याची धमकी देत बलात्कार केल्याची धक्कादायक घटना समोर आली आहे.याप्रकरणी चोपडा ग्रामीण पोलीस ठाण्यात संशयित शुभम अशोक पाटील,प्रफुल्ल दिलीप पाटील या दोघांविरुद्ध गुन्हा दाखल करण्यात आला आहे.
याविषयी पोलिसांनी दिलेली माहिती अशी की,दि.२५ मार्च २०२२ रोजी शुभम अशोक पाटील (रा.घुमावल बुद्रुक ता.चोपडा) याने २५ वर्षीय महिला हि घरात एकटी असतांना तीचे घरात स्वयंपाक रुममध्ये अनाधिकृतपणे प्रवेश करुन महिलेचे तोंड दाबुन व्हीडीओ कॉल करुन काढलेले व्हीडीओ व फोटो व्हॉटसअँपवर टाकुन बदनामी करण्याची धमकी देवून जबरदस्तीने शारीरीक संबंध प्रस्थापित केले.तसेच दि.२७ मार्च २०२२ रोजी देखील सकाळी ९ वाजता शुभम अशोक पाटील व प्रफुल्ल दिलीप पाटील यांनी महिला घरात एकटी असतांना तीचे घरात स्वयंपाक रुममध्ये अनाधिकृतपणे प्रवेश करुन महिलेस लज्जा उत्पन्न होईल असे कृत्य केले.याप्रसंगी महिलेने आरडा ओरड केल्याने हे दोघे पळुन गेले.
या घटनेबाबत महिलेने पती,सासू,सासरे यांना सांगितले सदर घटनेचा जाब विचारण्यासाठी सासु,सासरे गेले असता यावेळी शुभम पाटील व प्रफुल्ल पाटील यांनी त्यांना लाथाबुक्क्यांनी व काठीने मारहाण केली. याप्रकरणी पिडीत महिलेच्या फिर्यादीवरून चोपडा ग्रामीण पोलीस ठाण्यात शुभम अशोक पाटील,प्रफुल्ल दिलीप पाटील या दोघांविरुद्ध गुन्हा दाखल करण्यात आला असून पुढील तपास पो.नि.अवतारसिंग चव्हाण हे करीत आहेत.
कोणत्याही टिप्पण्‍या नाहीत:
टिप्पणी पोस्ट करा