शिरपूर प्रतिनिधी –वरवाडे नगरपरिषद निवडणूक तापू लागली असून आज चिंतनभाई पटेल, भुपेशभाई आणि भाजपच्या उमेदवारांच्या प्रचाराने शहरात अक्षरशः जनलाट उसळली. मोहम्मदीया चौक आणि क्रांतीनगर चौक येथे झालेल्या दोन दणक्यात सभांनी वातावरण ढवळून काढले. चौकांमध्ये पाय ठेवण्यासही जागा नसावी इतका जनस्फोट पाहून प्रतिस्पर्ध्यांच्या तळात खळबळ उडाली आहे.
भव्य सभेला संबोधित करताना अमरीश भाई पटेल म्हणाले—
“गेल्या तीस–चाळीस वर्षांत शिरपूरच्या विकासासाठी जीव ओतून काम केलं. तुमच्या विश्वासामुळे ‘शिरपूर पॅटर्न’ने पाण्याची क्रांती घडवली. आता हा पॅटर्न शहराच्या प्रत्येक क्षेत्रात उतरवणार—रस्ता, स्वच्छता, पायाभूत सुविधा, युवांसाठी रोजगार… शिरपूरला विकासाचा नवा वेग देणार!”
सभांमधील उत्साह, घोषणांचा गगनभेदी आवाज आणि भाजपपक्षाच्या उमेदवारांना मिळालेला प्रतिसाद पाहून लोकांमध्ये एकच चर्चा—
“नगराध्यक्षपदावर चिंतनभाईंचीच मुहर!”
आजच्या सभा भाजपच्या बाजूने निवडणूक झुकली असल्याचे स्पष्ट संकेत देऊन गेल्या. शिरपूरमध्ये विकासाच्या नव्या पर्वाची घंटा वाजल्याचे चित्र ठळकपणे दिसले.
कोणत्याही टिप्पण्‍या नाहीत:
टिप्पणी पोस्ट करा