शिंदखेडा ( यादवराव सावंत ) प्रतिनिधी येथील जनता हायस्कूल येथे आज शिंदखेडा तालुका माध्यमिक शिक्षक संघाच्या द्विवार्षिक निवडणूक घेण्यासाठी सर्वसाधारण सभा राज्य संघाचे सहकार्यवाह संजय पवार यांच्या अध्यक्षतेखाली घेण्यात आली.सदर शिंदखेडा तालुका माध्यमिक शिक्षक संघाची द्विवार्षिक निवडणूक बिनविरोध व्हावी यासाठी प्रयत्न केले त्यानुसार पुढील दोन वर्षांसाठी शिंदखेडा तालुकाध्यक्ष पदी नरेंद्र अरुण भामरे (झोटवाडे) तर कार्यवाह राहुल घनश्याम पवार( बेटावद )यांची निवड बिनविरोध करण्यात आली.उर्वरीत कार्यकारिणी मध्ये उपाध्यक्ष आर.बी.पाटील,(दराणे रोहाणे ) व छाया पवार (होळ ),कोषाध्यक्ष अतुल पाटील (जनता हायस्कूल शिंदखेडा), सहकार्यवाह कुंदन पाटील (नुतन हायस्कूल दोंडाईचा) यांची निवड बिनविरोध करण्यात आली.
ह्या निवडणूक कामी राज्य सहकार्यवाह संजय पवार यांच्या देखरेखीखाली कामकाज झाले. सदर निवडीबद्दल ज्येष्ठ शिक्षक संघाचे नेते वि.मा.भामरे, कुंवर सर,व्ही.एन.पगार,नांद्रे सर,हेमंत ठाकरे, माजी तालुकाध्यक्ष यादवराव सावंत यांच्या सह तालुक्यातील शिक्षक संघाचे पदाधिकारी व शिक्षकांनी वरील नुतन कार्यकारिणी चे अभिनंदन करत पुढील वाटचालीसाठी शुभेच्छा दिल्या.
कोणत्याही टिप्पण्या नाहीत:
टिप्पणी पोस्ट करा