परंडा (राहूल शिंदे) दि.१५ महाराष्ट्र राज्याचे आरोग्य तथा कुटुंब कल्याण मंत्री डॉ तानाजीराव सावंत शुक्रवार १६ सप्टेंबर रोजी जनता दरबारात लोकांच्या तक्रारी ऐकणार आहेत. महसूल, ग्रामविकास, महावितरण, आरोग्य, सहकार, शिक्षणासह अनेक विभागाशी संबंधित तक्रारींवर डॉ सावंत सुनावणी घेतील.
मिळालेल्या माहितीनुसार, संबंधित विभागाचे सर्व उच्च अधिकारी जनता दरबारात उपस्थित राहणार आहेत.उल्लेखनीय आहे की, गेल्या आठवड्यात तहसील कार्यालयात झालेल्या जनता दरबारात आरोग्यमंत्री डॉ तानाजीराव सावंत यांनी लोकांच्या समस्या ऐकल्या होत्या.त्यावर तातडीने उपाय-योजना करण्याचे निर्देश त्यांनी संबंधित विभागांना दिले होते.
मराठवाडा मुक्ती संग्राम दिनाच्या अगोदर मी जनता दरबार घेणार असून या जनता दरबारात पूर्वीचे प्रश्न मार्गी लावले का हे विचारणार असल्याचे अधिकाऱ्यांना त्यांनी त्यावेळी बजावून सांगितलं होते.याच पार्श्वभूमीवर शहरातील लोकनेते गोपीनाथ मुंडे सभागृहात दिनांक १६ शुक्रवार रोजी जनता दरबार भरविण्यात येणार असून, याची जोरदार तयारी सध्या सुरू आहे. जनता दरबारात आपली फजिती होऊ नये म्हणून मागील प्रश्नाची सोडवणूक तत्परतेने करण्याच्या दृष्टिकोनातून संबंधित विभागाचे अधिकारी कामाला लागल्याचे सद्यस्थितीत दिसून येत आहे.
कोणत्याही टिप्पण्या नाहीत:
टिप्पणी पोस्ट करा