धडगाव प्रतिनिधी :- युवकमित्र परिवार" संस्था महाराष्ट्रतर्फे राष्ट्रीय युवक दिनानिमित्त दिला जाणारा या वर्षीचा "राज्यस्तरीय स्वामी विवेकानंद युवा प्रेरणा पुरस्कार-२०२४ राज्य युवा परिषदेचे अक्राणी तालुका समन्वयक चि. जितेंद्र दिलीप ढोले यांना पुणे येथील पत्रकार भवन येथे महाराष्ट्र राज्याचे वनविभागाचे सेवानिवृत्त महावनरक्षक रंगनाथ नाईकडे,बुक क्लब चे संस्थापक अविनाश निमसे,मंथन फाउंडेशनच्या संस्थापिका आशा भट्ट,जय अंबामाता स्वयंरोजगार संस्थेच्या अध्यक्षा मंगला नागुल,सद्गुरू सेवा प्रतिष्ठानचे, सचिन म्हसे,ह.भ.प.समाज प्रबोधन आळंदीचे प्रल्हाद डांगे,युवक मित्र परिवाराचे अध्यक्ष प्रविण महाजन इ.मान्यवरांचा उपस्थितीत प्रदान करण्यात आला.
जितेंद्र ढोले यांनी केलेल्या कार्याची दखल यापूर्वीही नवनिर्माण सर्व समाज हितार्थ संस्था नंदुरबार,जय भोईराज भोई समाज युवा मंच महाराष्ट्र प्रदेश,आदिवासी जनजागृती टिम अक्राणी, वन्य जीव बचाव संस्था नंदुरबार,भोई समाज सेवा संघ नंदुरबार इ.संस्थांनी घेतली आहे.जितेंद्र ढोले यांना सामाजिक कार्यासाठी ग्लोबल गोल्ड टॅलेंट बुक ऑफ रेकॉर्ड प्रस्तुत "INDIAN EDUCATION EXCELLENT AWARD 2024 साठीहि प्रस्ताव मागविण्यात आला आहे.
कोणत्याही टिप्पण्या नाहीत:
टिप्पणी पोस्ट करा