अमळनेर प्रतिनिधी :- कट मारल्याच्या वादातून एकाचा मारहाणीत मृत्यू झाल्याची घटना ३ रोजी पहाटे २ वाजेच्या सुमारास जळोद अमळगाव शिवारात घडली.विकास प्रवीण पाटील वय ३० रा अमलेश्वर नगर हा आपल्या मित्रांसह पिंगळवाडे येथे तमाशा पाहण्यासाठी गेला होता. मोटरसायकलला कट मारल्यावरून इंडिकेटर तुटले. त्यावरून दोन्ही गटात अमळगाव जळोद रस्त्यावर हाणामारी झाली. या हाणामारीत विकास याचा मृत्यू झाला. ही घटना ३ रोजी पहाटे २ वाजेच्या सुमारास घडली. घटनेचे वृत्त कळताच सहाययक पोलीस निरीक्षक जीभाऊ पाटील , संजय पाटील यांनी भेट दिली. विकास याचे शव विच्छेदनसाठी ग्रामीण रुग्णालयात आणण्यात आले आहे. आरोपी फरार झाले असून मारवड पोलीस आरोपींचा शोध घेत आहेत. एलसीबी पथकाने अवघ्या सहा तासात जामनेर परिसरातून संशयित आरोपी नितीन पवार , अमोल कोळी , हर्षल गुरव याना ताब्यात घेतल्याची माहिती मिळाली आहे.
कोणत्याही टिप्पण्या नाहीत:
टिप्पणी पोस्ट करा