शिरपूर प्रतिनिधी - शिरपूर तालुक्यातील जामन्यापाणी परिसरात अंमली पदार्थ विरोधी टास्क फोर्स, नाशिक कृती विभाग आणि धुळे जिल्हा पोलीस दलाने संयुक्तरित्या मोठी कारवाई करत गांजाच्या अवैध लागवडीचा पर्दाफाश केला. दोन दिवस चाललेल्या या विशेष मोहिमेत मूल्य 1 कोटी 2 लाख 50 हजार रुपये इतका, एकूण 2,050 किलो गांजा जप्त करण्यात आला असून सात आरोपींना अटक करण्यात आली आहे.
गुप्त बातमीच्या आधारे छापा
दि. 26 नोव्हेंबर 2025 रोजी पोलीस उपअधीक्षक गुलाबराव पाटील यांना जामन्यापाणी गावाजवळील वनक्षेत्रात मोठ्या प्रमाणावर गांजाची बेकायदेशीर लागवड सुरू असल्याची माहिती मिळाली. त्यानुसार टास्क फोर्स व धुळे पोलिसांनी संयुक्त कारवाई करत छापा टाकला.
त्यावेळी वनजमिनीवर गांजा झाडांची लागवड, देखभाल व रखवाली करत असलेले खालील 7 आरोपी आढळून आले:
कालुसिंग गोंडा पावरा (35), बडवाणी, म.प्र
कृष्णा तारासिंग पावरा (25), शिरपूर
हरबा कुवरसिंग पावरा (27), बडवाणी, म.प्र
गोंडा नाना पावरा (55), बडवाणी, म.प्र
गुलाब हाण्या पावरा (55), शिरपूर
कांतीलाल गुलाब पावरा (26), शिरपूर
रमेश गुलाब पावरा (21), शिरपूर
दोन दिवसांत 2,050 किलो गांजा जप्त..!
अतिदुर्गम ठिकाण असल्याने कारवाई दोन टप्प्यांत करण्यात आली.
पहिल्या दिवशी : 1,050 किलो
दुसऱ्या दिवशी : 1,000 किलो
अशा प्रकारे एकूण 2,050 किलो गांजा (किंमत – ₹1,02,50,000/-) जप्त करण्यात आला.
गुन्हा दाखल – आरोपी पोलिस कस्टडीत
शिरपूर तालुका पोलिस ठाण्यात NDPS कायदा 1985 चे कलम 8(b)(c), 20(c), 25 नुसार गुन्हा दाखल.
सातही आरोपींना अटक करून न्यायालयात हजर केले असता 30 नोव्हेंबरपर्यंत पोलिस कोठडी मंजूर करण्यात आली.
ही कारवाई खालील अधिकाऱ्यांच्या मार्गदर्शनाखाली
अंमली पदार्थ विरोधी टास्क फोर्स :
विशेष पोलीस महानिरीक्षक – शारदा राऊत
पोलीस उपमहानिरीक्षक – प्रविण पाटील
पोलीस अधीक्षक – मकानदार
अपर पोलीस अधीक्षक – गणेश इंगळे
तसेच संबंधित अधिकारी व कर्मचारी
धुळे जिल्हा पोलीस दल :
पोलीस अधीक्षक – श्रीकांत धिवरे
अपर पोलीस अधीक्षक – अजय देवरे
उपविभागीय पोलीस अधिकारी – सुनिल गोसावी तसेच शिरपूर पोलिसांचे पथक ही कारवाई जामन्यापाणी परिसरातील गांजाच्या अवैध शेतीविरोधातील आतापर्यंतची सर्वात मोठी धडक मानली जात आहे.
कोणत्याही टिप्पण्‍या नाहीत:
टिप्पणी पोस्ट करा