Breaking News बातमी मागील सत्य..!
शुक्रवार, २८ नोव्हेंबर, २०२५
अजून तीन अपक्ष उमेदवारांचा अमळनेर तालुका व शहर विकास आघाडीला पाठिंबा...
अमळनेर:- अमळनेर नगरपरिषद निवडणुकीत अमळनेर तालुका व शहर विकास आघाडीला नागरिकांसह विविध समाज घटकांचा मोठा पाठिंबा मिळत असून तीन अपक्ष उमेदवारांनी लेखी पत्र देत आघाडीला पाठिंबा दिला आहे.
प्रभाग क्रमांक १५ ब मध्ये संजय उत्तम पाटील यांच्या पत्नी रंजना संजय पाटील यांनी महिला राखीव पदासाठी अपक्ष उमेदवारी अर्ज दाखल केला होता. तसेच प्रभाग क्रमांक १५ अ मधील सर्वसाधारण पुरुष जागेसाठी भूषण विनेश निकम (पाटील) यांनी अपक्ष अर्ज भरला होता. त्या दोघांनी विकासाच्या मुद्द्यावर आमदार अनिल पाटील यांच्या विनंतीला मान देत त्या प्रभागातील उमेदवार जयश्री अनिल पाटील, विनोद मधुकर कदम, तसेच नगराध्यक्ष पदाचे उमेदवार जितेंद्र ठाकूर व आघाडीच्या उमेदवारांना जाहीर पाठिंबा जाहीर केला आहे.
अपक्ष उमेदवाराने पाठिंबा देत केला पक्षप्रवेश...
प्रभाग क्रमांक चार मधील अपक्ष उमेदवार इकबाल शेख यांनी शहर विकास आघाडीचे उमेदवार इमरान खाटिक यांना पाठिंबा जाहीर केला आहे. त्याचबरोबर त्यांनी आमदार अनिल पाटील यांच्या उपस्थितीत राष्ट्रवादी काँग्रेस पक्षात प्रवेश केला. यावेळी इम्रान खाटिक, तालुकाध्यक्ष भागवत पाटील, अल्पसंख्याक सेलचे तालुकाध्यक्ष अलीम मुजावर, शहराध्यक्ष कलीम शेख, यांच्यासह मान्यवर उपस्थित होते.
दिवसेंदिवस वाढतेय आघाडीची ताकद...
अमळनेर तालुका व शहर विकास आघाडीच्या नेत्यांच्या विकासाच्या व्हिजनला मतदारांचा उदंड प्रतिसाद मिळत असून आता विविध समाजघटकासह अपक्ष उमेदवार ही जाहीर पाठिंबा देत आहेत. त्यामुळे अमळनेर तालुका व शहर विकास आघाडीची एकतर्फी विजयाकडे वाटचाल सुरु झाल्याचे बोलले जात आहे.
About Tarun Garjana
तरुण गर्जना या ऑनलाईन ई-वृत्तपत्राचे मुख्य संपादक: श्री. संतोष गंभीर भोई - महाराष्ट्र पत्रकार संघ, धुळे जिल्हाध्यक्ष तसेच महाराष्ट्र विकास माथाडी ट्रान्सपोर्ट आणि जनरल कामगार संघटना महाराष्ट्र राज्य उपाध्यक्ष.
सदर ऑनलाईन ई-वृत्तपत्र शिरपूर येथून एकाच वेळी महाराष्ट्रात सर्वत्र प्रसारित होते. या ऑनलाईन पोर्टल मध्ये प्रसिद्ध झालेल्या मजकुराशी संपादक मंडळ सहमत असेलच असे नाही. (शिरपूर न्यायक्षेत्र)
याची सदस्यत्व घ्या:
टिप्पणी पोस्ट करा (Atom)
प्रसिद्ध
-
शिरपूर प्रतिनिधी - वरवाडे नगरपरिषद निवडणुकीच्या रणधुमाळीत शहरातील राजकीय वातावरण पूर्णपणे ढवळून निघाले आहे. या निवडणुकीत युवा नेतृत्वाचा चे...
-
शिरपूर प्रतिनिधी –वरवाडे नगरपरिषद निवडणूक तापू लागली असून आज चिंतनभाई पटेल, भुपेशभाई आणि भाजपच्या उमेदवारांच्या प्रचाराने शहरात अक्षरशः जनला...

कोणत्याही टिप्पण्या नाहीत:
टिप्पणी पोस्ट करा