धुळे जिल्ह्यातील उत्साहवर्धक राजकीय घडामोडीत मंत्री ना. जयकुमारभाऊ रावल साहेब यांचे निकटवर्तीय, शेतकरी पुत्र आणि युवा नेतृत्व म्हणून ओळख असणारे श्री. शुभमबाबा महाजन यांची भाजपा युवा मोर्चा धुळे जिल्हा उपाध्यक्ष पदी सलग दुसऱ्यांदा निवड करण्यात आली आहे. त्यांच्या सक्रिय कार्यतत्परतेला, संघटन बांधणीतील प्रभावी योगदानाला आणि युवकांमध्ये निर्माण केलेल्या विश्वासाला मिळालेल्या या मानाच्या स्थानाबद्दल जिल्ह्यात सर्वत्र अभिनंदनाचा वर्षाव होत आहे.
युवा मोर्चाच्या जिल्हा स्तरावरील बैठकीत ही निवड जाहीर करण्यात आली. संघटनेत सर्व स्तरांवर कार्यरत राहताना शुभमबाबा महाजन यांनी विविध सामाजिक उपक्रम, तसेच पक्षाच्या विविध कार्यक्रमांच्या यशासाठी सातत्याने मेहनत घेतली. त्यांच्या कार्याचा गौरव म्हणून जिल्ह्यातील पदाधिकारी व वरिष्ठ नेत्यांनी या नियुक्तीला एकमुखाने अनुमोदन दिले.
नियुक्तीनंतर श्री. महाजन यांनी विश्वास व्यक्त करून सांगितले की, “मंत्री जयकुमारभाऊ रावल साहेबांचे मार्गदर्शन आणि पक्षातील वरिष्ठांचे आशीर्वाद यामुळेच मला सलग दुसऱ्यांदा ही जबाबदारी मिळाली आहे. आगामी काळात युवा शक्तीला संघटित करून भाजपाच्या धोरणे व विकासकामे प्रत्येक तरुणापर्यंत पोहोचवण्याचा निर्धार आहे.”
विविध सामाजिक,राजकीय व कृषी क्षेत्रातील मान्यवरांकडून अभिनंदन संदेशाचा वर्षाव होत आहे.
कोणत्याही टिप्पण्या नाहीत:
टिप्पणी पोस्ट करा