राष्ट्रवादीचे तालुकाध्यक्ष भागवत पाटील यांचा माजी आमदारांवर निशाणा...
अमळनेर:-
जनतेने तीनदा नाकारले तरी परत फिरून येणाऱ्या माजी आमदारांना यंदा पुन्हा त्यांची जागा दाखवणार असून नगरपरिषद निवडणुकीत पुन्हा घरवापसी पक्की असल्याचे राष्ट्रवादी काँग्रेस अजित पवार गटाचे तालुकाध्यक्ष भागवत पाटील यांनी पत्रकारांशी बोलताना सांगितले आहे.
नगरपरिषद निवडणुकीत दुसऱ्यांच्या चारित्र्यावर बोलणाऱ्या माजी आमदारांनी आरश्यात पाहण्याची गरज आहे. अवैध धंद्यांतून आजवर कमाई करणारे व अनेकांना बरबादीच्या वाटेला लावणारे माजी आमदार आता नैतिकतेच्या बाता करत आहेत. पावसाळी बेडकासारखे निवडणुकीच्या वेळी डराव डराव करणारे तसेच नदुरबार हून अमळनेरात कधीतरी उगवणाऱ्या माजी आमदारांना दोन वेळा विधानसभेतून तर एकवेळा पालिकेतून जनतेने नाकारले आहे.
स्वतःचे समर्थक त्यांना टिकवता आले नसून पालिकेच्या पूर्ण जागांवर उमेदवार ही त्यांना मिळाले नाहीत. डुप्लिकेट धंदे करणाऱ्यांना अमळनेरकर जनता यंदा पुन्हा त्यांची जागा दाखवणार असून रबर स्टॅम्प उमेदवाराचे पार्सल ही परत जाणार असल्याचे भागवत पाटील यांनी यावेळी सांगितले.
कोणत्याही टिप्पण्‍या नाहीत:
टिप्पणी पोस्ट करा