नरडाणा प्रतिनिधी- स्थानिक स्वराज्य संस्था निवडणुका २०२५ तसेच आगामी सण-उत्सवांच्या पार्श्वभूमीवर अवैध हातभट्टीवर नियंत्रण ठेवण्यासाठी नरडाणा पोलिसांनी जोरदार मोहिम राबवली असून दि. २६ नोव्हेंबर २०२५ रोजी केलेल्या विशेष कारवाईत गावठी हातभट्टीचे जाळे उधळण्यात यश आले आहे.
होळ (ता. शिंदखेडा, जि. धुळे) परिसरातील धरणाकाठावर गावठी हातभट्टीची दारू तयार करून चोरटी विक्रीसाठी साठवणूक केली जात असल्याची गोपनीय माहिती पोलिसांना मिळाली. त्यानुसार पथकाने तातडीने छापा घालून नामदेव शामराव भिल (रा. होळ) याला शिताफीने ताब्यात घेतले.
छाप्यात पोलिसांनी हस्तगत केले—
▪ २४ प्लास्टिक ड्रम
▪ ८४० लिटर वॉश (₹४२,000)
▪ ३० लिटर हातभट्टी दारू (₹३,०००)
▪ निर्मितीसाठी लागणारे साहित्य (₹१,७००)
असा एकूण ₹४६,७०० किंमतीचा मुद्देमाल ताब्यात घेऊन नष्ट करण्यात आला. आरोपीविरुद्ध महाराष्ट्र दारूबंदी कायद्यानुसार गुन्हा दाखल करण्यात आला आहे.
ही कारवाई मा. पोलीस अधीक्षक श्री. श्रीकांत धिवरे, मा. अपर पोलीस अधीक्षक श्री. अजय देवरे व उपविभागीय पोलीस अधिकारी श्री. सुनिल गोसावी यांच्या मार्गदर्शनाखाली करण्यात आली.
विशेष कारवाई पथकात एपीआय निलेश मोरे, पोउनि रविंद्र महाले, असई हेमंत पाटील, पोहेकॉ ललीत पाटील, रविंद्र मोराणीस, अनारसिंग पवार, योगेश गिते, भरत चव्हाण, पोना भुरा पाटील, पोकॉ अर्पण मोरे, सचिन बागुल, विजय माळी, विनोद कोळी तसेच ग्रेपोसई अजय सोनवणे यांचा सहभाग होता.
नरडाणा पोलिसांच्या या कारवाईमुळे परिसरातील अवैध हातभट्टी व्यवसायाला मोठा धक्का बसला आहे.
कोणत्याही टिप्पण्या नाहीत:
टिप्पणी पोस्ट करा