शिरपूर प्रतिनिधी/ शिरपूर नगराध्यक्षपदाच्या राजकीय रणांगणात तरुणाईने स्पष्ट संदेश दिला आहे— शहराला बदल हवा, विकास हवा आणि नेतृत्व म्हणून चिंतनभाई हवा! गेल्या काही दिवसांत शहरभर झालेल्या सभा, प्रभागनिहाय संवाद, तरुणांचा उसळलेला उत्साह आणि सोशल मीडियावरील प्रचंड लाट यामुळे चिंतनभाईंची लोकप्रियता अक्षरशः शिगेला पोहोचली आहे.
शहराच्या प्रत्येक गल्लीबोळातून एकच आवाज उमटतोय— “चिंतनभाई म्हणजे विश्वास, काम आणि विकास!”
तरुण मतदार विशेषत: प्रथमच मतदान करणारे युवक मोठ्या प्रमाणात चिंतनभाईंच्या मागे उभे राहिल्याचे चित्र सर्वत्र दिसते आहे. त्यांच्या नेतृत्वशैलीतील पारदर्शकता, नव्या विचारांची ऊर्जा आणि शहराच्या भविष्याचा स्पष्ट रोडमॅप यामुळे युवकांचा कौल त्यांच्याच बाजूने सरकतोय.
विकासाच्या मुद्द्यांवर (रस्ते, वाहतूकव्यवस्था, उद्याने, ड्रेनेज, स्मार्ट सुविधा) ठोस योजना मांडल्याने चिंतनभाईंच्या प्रचाराला आणखी वेग आला आहे. तरुणांना रोजगाराच्या संधी, नव्या स्टार्टअपसाठी प्रोत्साहन आणि क्रीडा-सांस्कृतिक विकासाचा आराखडा यामुळे विद्यार्थी, उद्योजक व युवक संघटना मोठ्या प्रमाणात त्यांच्या मागे एकवटल्या आहेत.
राजकीय विश्लेषकांच्या मते, शिरपूर शहरात निर्माण झालेली ‘चिंतन लाट’ निर्णायक ठरू शकते. रस्त्यावर, चौकात, कट्ट्यांवर, सोशल प्लॅटफॉर्मवर— सर्वत्र चिंतनभाईंच्याच नावाची जोरदार चलती आहे. विरोधकांचे धोरण, आरोप-प्रत्यारोप, डावपेच या तरुणांच्या उत्साहासमोर फिके पडताना दिसत आहेत.
शहराच्या मनातल्या विश्वासाचे, तरुणाईच्या शक्तीचे आणि बदलाच्या उमेदचे एकत्रित रूप म्हणजेच ही ‘विजयाची पताका’.
आता सगळ्यांचे लक्ष एका प्रश्नावर खिळले आहे—
शिरपूर शहर नेतृत्व म्हणून चिंतनभाईंची निवड करून इतिहास रचणार का ?
कोणत्याही टिप्पण्‍या नाहीत:
टिप्पणी पोस्ट करा