Breaking News बातमी मागील सत्य..!

मंगळवार, २५ नोव्हेंबर, २०२५

मार्केट यार्ड आडत असोसिएशन, वासुदेव जोशी गोंधळी समाजासह चार संघटनांनी दिला जाहीर पाठिंबा...

शहराच्या विकासात योगदान असलेल्या अमळनेर शहर विकास आघाडीच्या उमेदवारांना वाढते समर्थन... 

मार्केट यार्ड आडत असोसिएशन, वासुदेव जोशी गोंधळी समाजासह चार संघटनांनी दिला जाहीर पाठिंबा...

अमळनेर :- अमळनेर शहराच्या विकासात भरघोस योगदान देणाऱ्या नेत्यांसह अमळनेर तालुका व शहर विकास आघाडीला शहरात मोठा प्रतिसाद मिळत असून काल चार संघटनांनी पत्र देत जाहीर पाठिंबा जाहीर केला आहे. 

अमळनेर कृषी उत्पन्न बाजार समिती परिसरात कार्यरत असलेले मोठे संघटन म्हणून ओळखले जाणारे दि अमळनेर मार्केट यार्ड आडत असोसिएशन यांनी विकासाचे व्हिजन डोळ्यावर ठेवून काम करणाऱ्या नगराध्यक्ष पदाचे उमेदवार जितेंद्र ठाकूर, व सर्व उमेदवारांना पाठिंबा दर्शवत शहर विकास आघाडीचे नेतृत्व करणाऱ्या आमदार अनिल पाटील, खासदार स्मिता वाघ, साहेबराव पाटील, माजी नगराध्यक्षा जयश्री पाटील यांच्या पाठीशी राहण्याचा निर्धार लेखी पत्रात व्यक्त केला आहे. 
     
तसेच अमळनेर गुमास्ता कामगार असोसिएशन, राष्ट्रीय हमाल मापाडी कामगार युनियन यांनी ही लेखी पत्र देऊन अमळनेर तालुका व शहर विकास आघाडीला जाहीर पाठिंबा दर्शविला आहे. अमळनेर शहरातील कामगार वर्गाचा मिळणारा मोठा पाठिंबा आघाडीच्या उमेदवारांना विजयाकडे नेणारा ठरत असून त्यांचे पाठबळ वाढले आहे.  

त्याचबरोबर अमळनेर येथील वासुदेव जोशी गोंधळी समाज पंच मंडळाने नगराध्यक्ष पदाचे उमेदवार जितेंद्र ठाकूर, प्रभाग क्रमांक आठ मधील उमेदवार ऍड चेतना पाटील, यांच्यासह शहर विकास आघाडीच्या सर्व उमेदवारांना लेखी समर्थन जाहीर केले आहे. शहर विकास आघाडीचे नगराध्यक्ष व नगरसेवक पदासाठी असलेले तुल्यबळ उमेदवार व विकासाभिमुख भूमिकेमुळे शहर विकास आघाडीला समाज प्रतिनिधी, व्यावसायिक , कामगार व नागरिकांचे मोठे पाठबळ प्रचारादरम्यान लाभत आहे.




कोणत्याही टिप्पण्‍या नाहीत:

टिप्पणी पोस्ट करा

प्रसिद्ध