अमळनेर ची वाटचाल जिल्ह्याच्या दिशेने शहराच्या विकासाचा आलेख उंचावतोय.

अमळनेर (प्रतिनिधी):-

            अमळनेर शहराचा सर्वांगीण विकासाला चालना देण्यासाठी माजी मंत्री तथा आमदार अनिल पाटील,खासदार स्मिता वाघ तसेच माजी आमदार साहेबराव पाटील यांच्या माध्यमातून शहराच्या विकासाचा आलेख उंचावत असून शहराच्या विकासासाठी नागरिकांनी अमळनेर तालुका व शहर विकास आघाडीच्या मागे ठामपणे उभे राहण्याचे आवाहन पदाधिकाऱ्यांनी केले आहे.

        आमदार अनिल भाईदास पाटील यांच्या विकासाच्या संकल्पनेने शहरात ताडे तलाव ,महसूल इमारत,प्रशासकीय इमारत,पंचायत समिती इमारत तसेच बस स्थानकाचा कायापालट होतांना दिसत असून अमळनेर शहराची वाटचाल ही जिल्ह्याच्या दृष्टीने होत असल्याचे चित्र निर्माण झाले आहे.

 ताडे तलाव पर्यटनाच केंद्र होणार

      अमळनेर चोपडा रस्त्यावरील ताडेपुरा ( पैलाड) भागात असलेल्या ताडे तलावाचे सुशोभीकरण व नमो उद्यानाचे काम प्रगतीपथावर सुरू आहे.राज्य शासनाच्या निधीतून साडे पाच कोटींचा निधी या कामासाठी मंजूर झाला असून या निधीतून ही विकासकामे करण्यात येणार आहे.आजपर्यंत विकासापासून दूर असलेल्या या भागाला तलावाच्या सुशोभीकरणाच्या माध्यमातून विकासाची एक नवी चाल मिळणार आहे.

     तलावाच्या सुशोभीकरणामुळे त्या परिसरातील नागरिकांना होणारा   त्रास दूर होणार असून चांगल्या प्रतीच्या सुविधा मिळणार आहे.यात विद्यार्थ्यांसाठी ओपन जिम,महिला,बालके,वयोवृद्ध नागरिकांसाठी नाना नानी पार्क तसेच इतर सुविधा पुरविण्यात येणार आहेत.चोपडा रस्त्याकडून अमळनेरात येतांना शहराची एक वेगळी ओळख या तलावाच्या शुशोभिकरणाच्या माध्यमातून होणार आहे,जवळच मंगळ ग्रह मंदिराचा परिसर असल्याने जिल्ह्यातून,राज्यातून तसेच राज्याबाहेरून येणाऱ्या नागरिकांना देखील हेवा वाटावा असा हा तलावाचा परिसर येणाऱ्या काळात विकसित होणार असून काम प्रगतीपथावर आहे.

  प्रशासकीय इमारतींमुळे नागरिकांच्या चकरा थांबणार

    अमळनेर धुळे राज्यमार्गावर असलेल्या शहरातील मध्यभागी महसूल इमारत,प्रशासकीय इमारत तसेच पंचायत समितीची इमारत उभारणीचे प्रगतीपथावर सुरू आहे.२५ कोटीपेक्षा जास्त निधीच्या माध्यमातून ही कामे सुरू आहेत.

     शहरातील विविध भागात विखुरलेली लहान मोठी शासकीय कार्यालये एकाच छताखाली यावीत हाच या इमारतींच्या बांधकामामागचा मुख्य हेतू आहे.सर्व शासकीय कार्यालये एकाच ठिकाणी आल्याने शहरी तसेच ग्रामीण भागातील नागरिकांची होणारी पायपीट थांबणार असून कामे लवकर मार्गी लागणार आहेत.बस स्थानकापासून हाकेच्या अंतरावर सर्व कार्यालये होत असल्याने नागरिकांचा वेळ देखील वाचणार आहे.तालुक्याचा नव्हे तर जिल्ह्याच्या निर्मितीचा प्रश्न उद्भवला तर अमळनेर मध्ये त्या दृष्टीने उपाययोजना असावी व भविष्यात अमळनेर तालुक्याला जिल्ह्याचा दर्जा प्राप्त व्हावा हीच दूरदृष्टी यामागे असल्याचे पदाधिकाऱ्यांनी सांगितले.

        अमळनेर बसस्थानकाच्या नूतनीकरणाचे काम देखील झपाट्याने होत असून जिल्ह्यात आदर्श ठरेल असे बसस्थानक १० कोटींच्या निधीतून उभारले जात आहे.बसस्थानकाच्या नूतनीकरणामुळे प्रवाशांना चांगल्या सुविधा मिळणार आहेत.काही महिन्यांपूर्वी आमदार अनिल पाटील यांच्या पाठपुराव्यामुळे बसस्थानकाला ५ अद्ययावत व आधुनिक पद्धतीच्या बसेस प्राप्त झाल्या होत्या पुन्हा एकदा १० बसेस लवकरच प्राप्त होणार असून ग्रामीण भाग तसेच लांब पल्याचा प्रवास करणाऱ्या प्रवाशांचा प्रवास सुखकर होणार आहे.

     येणाऱ्या काळात हाच विकास यापेक्षा दुपटीने करण्याचा ध्यास असून शहराचा कायापालट होण्यासाठी शहर विकास आघाडीचे लोकनियुक्त नगराध्यक्ष पदाचे उमेदवार जितेंद्र ठाकूर तसेच सर्व प्रभागातील नगरसेवकांच्या नावासमोरील शिट्टी चिन्हाचे बटण दाबून त्यांना विजयी करण्याचे आवाहन अमळनेर तालुका व शहर विकास आघाडीच्या पदाधिकाऱ्यांनी केले.