जळगाव जिल्हा प्रतिनिधी हमीद तडवी
बारावी व दहावीच्या बोर्ड परीक्षांच्या पार्श्वभूमीवर रावेर पोलीस स्टेशन येथे आज परीक्षा केंद्रप्रमुखांची महत्त्वपूर्ण बैठक घेण्यात आली. कॉपीमुक्त अभियान प्रभावीपणे राबविण्यासाठी जिल्हा प्रशासनाकडून आलेल्या सूचनांची माहिती यावेळी देण्यात आली.
बैठकीत स्पष्ट करण्यात आले की, प्रत्येक परीक्षा केंद्राच्या १०० मीटर परिसरात कोणत्याही अनधिकृत व्यक्तीस येण्यास सक्त मनाई राहील. परीक्षा केंद्र परिसरात गर्दी होऊ नये यासाठी विशेष पोलिस बंदोबस्त ठेवण्यात येणार आहे.
तसेच, परीक्षेशी संबंधित कामकाजासाठी उपस्थित राहणाऱ्या सर्व कर्मचारी व अधिकाऱ्यांना ओळखपत्र बाळगणे अनिवार्य करण्यात आले आहे. ओळखपत्राशिवाय कोणालाही केंद्र परिसरात प्रवेश दिला जाणार नाही, असे स्पष्ट निर्देश देण्यात आले.
यंदा परीक्षांदरम्यान ड्रोनद्वारे सर्व परीक्षा केंद्रांवर विशेष नजर ठेवण्यात येणार असून, प्रत्येक केंद्रावर सीसीटीव्ही यंत्रणा कार्यरत ठेवण्याच्या सूचना देण्यात आल्या आहेत. कॉपी रोखण्यासाठी प्रशासनाने तांत्रिक उपाययोजनांवर भर दिल्याचे दिसून येत आहे.
कॉपीमुक्त वातावरणात परीक्षा पार पाडण्यासाठी पोलीस व प्रशासन सज्ज असून, नियमांचे उल्लंघन करणाऱ्यांवर कडक कारवाईचा इशाराही देण्यात आला आहे.
कोणत्याही टिप्पण्या नाहीत:
टिप्पणी पोस्ट करा