भावेर जि.प शाळेत हात धुवा मोहिम

कुरखळी प्रतिनिधी( योगेश्वर मोरे )

शिरपुर तालुक्यातील भावेर येथील जि. प. शाळेत युवा कार्यक्रम व क्रीडा मंत्रालय भारत सरकार नेहरू युवा केंद्र धुळे संलग्न स्व अण्णासो दरबारसिंग रामसिंग राजपूत प्रतिष्ठान भावेर तर्फे स्वच्छ भारत समर इंटरशीप फेज 2 अंतर्गत हात धुवा मोहीम प्रात्यक्षिक सराव वर्गाचे आयोजन करण्यात आले होते. यावेळी मुख्यध्यापक श्रीनिवास साळुंखे यांनी विद्यार्थ्यांना आरोग्यदायी व 

स्वच्छतेच्या सवयी असाव्यात त्या अनुषंगाने प्रथम संस्थेचे अध्यक्ष भटेसिंग राजपूत, गिरीश गांगुळे, जगदीश कोळी, ज्ञानेश्वर धनगर यांनी स्वच्छता व त्याचे आपल्या आयुष्यातील महत्त्व विविध उदाहरणे देऊन मनोगातून समजवून सांगितले, त्यानंतर प्रत्यक्ष हात धुण्याचे प्रात्याक्षिक आरोग्य विभागाच्या निर्देशानुसार 

तळहात,नखे,हाताचा मागील भाग बोटे अश्या सात पायरी प्रमाणे विद्यार्थ्यांना कडून करून घेण्यात आले. यात हात किती वेळा व कसे धुवावे यांचे मार्गदर्शन केले. हात धुण्यासाठी साबण कसा व का वापरावा यांचे महत्व सांगण्यात आले. कार्यक्रमाचा सुरवातीला स्वच्छतेचे शपथ घेतली. कार्यक्रमाच्या यशस्वीतेसाठी माजी सरपंच सुदाम गुजर संस्थेचे सचिव मयूर राजपूत , दर्शना राजपूत, शरद राजपूत यांनी परिश्रम घेतले.