डॉ जितेंद्र ठाकूर यांच्या पाठपुराव्याला यश
प्रतिनिधी: शिरपूर तालुक्यातील सुशोभीकरणासाठी व पर्यटनासाठी डॉ जितेंद्र ठाकूर यांनी पर्यटन मंत्री जयकुमार रावल यांच्याकडे केलेल्या पाठपुराव्याने सुमारे १ कोटी ४५ लाख ईतका निधी पर्यटन विभागातून मंजूर करण्यात आला आहे.यामुळे अहिल्याबाई होळकर यांचे दुर्लक्षित असलेल्या विहीरीच्या जिर्णोद्धारासाठी या निधीतून मदत मिळणार आहे.
शिरपूर तालुक्यातील विकासासाठी शुशोभिकरण व जिर्णोद्धारासाठी पर्यटन विभागातील निधीची गरज होती.यासाठी डॉ जितेंद्र ठाकूर यांनी पर्यटन मंत्री जयकुमार रावल यांच्याकडे पाठपुरावा केला होता अखेर शिरपूर तालुक्यासाठी १ कोटी ४५ लाख निधी पर्यटन विभागातून मंजूर करण्यात आला आहे.या निधी मुळे तालुक्यातील पर्यटन स्थळासाठी चालना मिळणार आहे.विशेष म्हणजे तालुक्यातील कित्येक वर्षापासून दुर्लक्षित असलेल्या अहिल्यापुर येथील अहिल्याबाई होळकर यांच्या विहीरीच्या जिर्णोद्धारासाठी या निधीतून १५ लाख ईतका निधी प्राप्त झाल्याने या अहिल्याबाई होळकर विहीरीचा कायापालट होणार आहे.यासह तालुक्यातील आमोदे येथील महादेव मंदिर परिसराचे शुशोभिकरणासाठी २५ लाख,आमोदे येथील गजानन महाराज मंदिर परिसरात मुलभूत सुविधासाठी २५ लाख तसेच जुने भामपूर येथील दत्त मंदिर परिसरात सभामंडप बांधकामासाठी २० लाख तर शिंगावे येथील शिव मंदिर परिसरात भक्तमंडप व सभा मंडपासाठी २५ लाख,जैतपूर येथील दुर्गा माता मंदिर परिसरात मुलभूत सुविधासाठी ३५ लाख असा एकुण १ कोटी ४५ लाख ईतका निधी मंजूर करण्यात आला आहे.
या पर्यटन विभागाच्या निधीतून तालुक्यातील विकास कामांना मोठी चालना मिळणार आहे.पर्यटन विभागातून निधी मंजूर करण्यासाठी मंत्री जयकुमार रावल व जिल्हाध्यक्ष बबन चौधरी यांची मदत लाभले तर भाजपा तालुकाध्यक्ष राहुल रंधे शहराध्यक्ष हेमंत पाटील यांचे सहकार्य लाभल्याने डॉ जितेंद्र ठाकूर यांनी आभार मानले.
शिरपूर तालुक्यातील विकासासाठी भविष्यात देखील अशा प्रकारे निधी मंजूर करण्यात येणार असल्याचे डॉ जितेंद्र ठाकूरांनी यावेळी सांगितले.
कोणत्याही टिप्पण्या नाहीत:
टिप्पणी पोस्ट करा