नळदुर्ग प्रतिनिधी विशाल डुकरे आरंभ बहुद्देशीय सामाजिक संस्थेच्या वतीने पर्यावरणाच्या रक्षणासाठी चालू केलेल्या हरित नळदुर्ग संकल्पाअंतर्गत "एक वाढदिवस एक झाड" या उपक्रमाच्या माध्यमातून आज नळदुर्ग शहरातील नेत्रतज्ञ डॉ. आनंद काटकर यांच्या वाढदिवसानिमित्त शुभेच्छारुपी सत्कार वृक्षांची रोपे देऊन करण्यात आला. श्री काटकर यांनी आरंभच्या हरित नळदुर्ग उपक्रमाचे कौतुक करत या उपक्रमात सहभाग घेऊन वाढदिवसा दिवशी वृक्षलागवडीचा संकल्प केला. बाळासाहेब ठाकरे नगर येथे असलेल्या ओपन स्पेसमध्ये, येथील स्थानिक नागरिकांच्या हस्ते येत्या रविवारी पंधरा झाडे लावणार असल्याचे सांगितले. यावेळी डॉ. आनंद काटकर, संजय जाधव, हत्ते, आरंभ सामाजिक संस्थेचे उपाध्यक्ष विशाल डुकरे, सचिव श्रमिक पोतदार, कोषाध्यक्ष सागर हजारे, प्रसिद्धी प्रमुख आयुब शेख, मयूर महाबोले, अभिषेक आवटे, अनिल जाधवर, लखन खांडेकर, आदी उपस्थित होते.
कोणत्याही टिप्पण्या नाहीत:
टिप्पणी पोस्ट करा