कुरखळी प्रतिनिधी - योगेश्वर मोरे
आज शिक्षक दिनाचे औचित्य साधून ग्रामपंचायत बाभुळदे मार्फत जिल्हा परिषद शाळा बाभुळदे येथील मुख्याध्यापक श्री.भरत पवार सर व उपशिक्षक श्री राकेश पाटील ह्या दोघांचा सत्कार करण्यात आला.
याप्रसंगी बोलताना श्री. सरदार रघुनाथ पाटील यांनी दोन वर्षाच्या कालखंडात शाळेचे रूप कसे पालटले. याविषयी सांगितले शिक्षकांनी केलेल्या परिश्रमाचे फलित म्हणूनच आज शाळा ही नवीन रूपात निर्माण झाली आहे अशी भावना त्यांनी व्यक्त केली. सदर दोन वर्षात शाळेस रंगरगोटी करणे, डिजिटल वर्गामार्फत चालणारे शिक्षण, विविध शैक्षणिक साहित्याच्या मार्फत केले जाणारे ज्ञानरचनावादी अध्यापन, शाळेत राबविले जाणारे सहशालेय उपक्रम, शाळेत जलशुध्दीकरण यंत्राची सोय , संरक्षक भिंतीचे बांधकाम, यासोबतच विद्यार्थी गुणवत्ता बाबतची प्रगती या सर्व कामांबद्दल शिक्षकांचे विशेष कौतुक केले. उपसरपंच सौ. सुरेखाताई निकुंभे यांनी यापुढील काळातही शाळेस आवश्यक असलेल्या सर्व सुविधा 14 व्या वित्त आयोगातून पुरविल्या जातील असे आश्वासन दिले.
सदर कार्यक्रमासाठी ग्रामपंचायत बाभुळदे सरपंच सौ.शारदाताई पाटील, उपसरपंच सौ. सुरेखाताई निकुंभे, ग्रा.प.सदस्य श्री. संजय पाटील, श्री. शांताराम महाजन तसेच माजी पंचायत समिती सदस्य श्री. किरण पाटील, विकास सोसायटी व्हाईस चेअरमन श्री. देविदास निकुंभे, श्री. महेन्द्र पाटील तसेच शाळा व्यवस्थापन समिती अध्यक्षा सौ सुनिता कोळी व सदस्य इ.मान्यवर उपस्थित होते.
कोणत्याही टिप्पण्या नाहीत:
टिप्पणी पोस्ट करा