कुरखळी प्रतिनिधी - योगेश्वर मोरे
शिरपूर तालुक्यातील जिल्हा परिषद शाळा कुरखळी येथे महाराष्ट्र प्राथमिक शिक्षण परिषदेच्या श्रीमती पाठक व त्यांच्या टीमने आकस्मिक भेट दिली.
या भेटीत त्यांनी समग्र शिक्षा अभियान अंतर्गत बांधकाम झालेल्या तीन वर्ग खोल्यांची पाहणी केली.
बांधकामाचा दर्जा, केलेले रंगकाम, खिडक्या- दरवाजे, विद्युतीकरण, हँडवाँश स्टेशन, डिझाईन काम आदींची पाहणी करून समाधान व्यक्त करत शालेय व्यवस्थापन समिती व शिक्षकांचे कौतूक केले.
यावेळी बांधकाम विभागाचे अभियंते शिंदे रावसाहेब , धनंजय रावसाहेब, शिरपूर अभियंता अनूप बडगुजर, लेखापरिक्षक गिरी उपस्थित होते. शाळेतील भौतिक सुविधा यात स्वच्छतागृह, भोजनकक्षाचीही पाहणी पथकाने केली.
पथकाचे स्वागत पोपट शिरसाठ, शा. व्य. समिती अध्यक्ष आत्माराम कोळी, शिक्षक ज्ञानेश्वर माळी यांनी केले.
कोणत्याही टिप्पण्या नाहीत:
टिप्पणी पोस्ट करा