शिरपूर:प्रतिनिधी:दैनंदिन जीवनात अगदी सहजतेने विविध भूमिका पार पाडत महिला समाजाच्या आधारस्तंभ बनल्या आहेत. कधी प्रेमळ कन्या, तर कधी वात्सल्यपूर्ण माता, तर कधी सक्षम सहचारिणी अशी विविध नाती अत्यंत कुशलतेने आणि कोमलतेने त्या निभावत आहेत
त्या अनुशंगाने शिरपूर भोई समाज आदर्श विकास मंडळ ,भोईसमाज प्रेरणा ग्रुप आणि भोईसमाज महिलामंच यांच्या च्या वतीने जागतिक महिला दिनाच्या निमित्ताने महिला मेळावा संपन्न झाला.
सदर कार्यक्रमात गंगाबाई मोरे ,सुशीला वाडीले, प्रमिलाबाई ढोले यांनी जेष्ठ मार्गदर्शक म्हणून मार्गदर्शन केले.समाजाने नवीन परंपरा अवलंबण्या बरोबर मुलींच्या शिक्षणाचे महत्व याची माहिती हेमलता वाडीले,महिलांचे स्वरक्षण करणारा कायदा याची माहिती सुरेखा वाडीले,सून सासू चे नाते कसे असावे हे भारती वाडीले यांनी दिली याच बरोबर ज्योती मोरे ,रेखा वाडीले यांनी महिलांना विविध विषयांवर मार्गदर्शन केले.
त्याचबरोबर संगीत खुर्ची या मनोरंजनात्मक कार्यक्रम ही घेतला गेला.त्यात अर्चना वाडीले ,ज्योती मोरे विजयी झाल्या. सदर कार्यक्रमाचे सूत्रसंचालन हेमलता वाडीले मॅडम यांनी केले.
कोणत्याही टिप्पण्या नाहीत:
टिप्पणी पोस्ट करा