राजु तडवी फैजपुर प्रतिनिधी संपूर्ण जगात कोरोना विषाणू चे मृत्यू तांडव सुरू असताना विषाणू चा प्रादुर्भाव रोखण्याच्या उद्देशाने अंमलात आणलेल्या लॉकडाऊन मुळे गरीब वस्तीत लहान मुले, स्त्रिया व वृद्धांना बिकट परिस्थितीला सामोरे जावे लागत आहे.
समाजऋण फेडण्याच्या वृत्तीतुन दिव्यांग सेना, फैजपूर चे अध्यक्ष श्री नाना लक्ष्मण मोची व सहकाऱ्यांच्या वतीने दूध व बिस्किट वाटप करण्यात आले. यात प्राध्यापक लेफ्टनंट राजेंद्र राजपूत, अजय मेढे, लोकेश कोलते, गिरीश कापडे, अजय जोरेवाल, आकाश जोरेवाल, संजय मेढे, नितीन इंगळे, मंगेश सावकारे, संजय वानखेडे, बबन तायडे, विक्की जोगी, बाळा कोळी व शिव कॉलनी मित्र मंडळ सदस्य यांनी पुढाकार घेऊन गरिबांना दूध व बिस्किटांचे वाटप केले. संपूर्ण देशात लॉकडाऊन मुळे कामगार व हात मजुरी करणाऱ्यांना अडचणींना सामोरे जावे लागत आहे.
त्यासाठी फैजपूरचे प्रांताधिकारी मा. डॉ. अजित थोरबोले व पोलीस निरीक्षक मा प्रकाश वानखेडे यांच्या आवाहनाला प्रतिसाद म्हणून दिव्यांग सेनेने हा उपक्रम राबवला.
यापुढेही समाजातील गरजू घटकाला आवश्यक ती मदत पुरविण्याचा मानस दिव्यांग सेना कार्यकर्ते व शिव कॉलनी मित्र मंडळाने केला आहे.
कोणत्याही टिप्पण्या नाहीत:
टिप्पणी पोस्ट करा