अमळनेर:प्रतिनिधी तालुक्यातील मुंगसे या गावातील 60 वर्षीय महिला कोरोना पॉझिटिव्ह असल्याचे आढळुन आले आहे. सदर महिला जिल्हा रुग्णालयात शुक्रवारी दाखल झाली होती. मात्र शनिवारी रिपोर्ट आल्यावर ती पॉझिटिव्ह आढळून आली आहे. पुढील कार्यवाही साठी अमळनेर उपविभागीय अधिकारी यांच्या दालनात सर्व अधिकाऱ्यांची मिटिंग झाली असून तसेच मुंगसे गावाच्या आजूबाजूचे चार गाव मुंगसे, सावखेडा, रूंधाटी, दापोरी ही गावे खबरदारी चा उपाय म्हणून सील करण्यात आली आहेत. त्या चारही गावांमध्ये रात्रीच टीसीएल फवारणी झाली असून दि १९ रोजी सुमारे ८ वैद्यकीय पथक जावून त्या द्वारे गावांमधील प्रत्येक नागरिकाची तपासणी करण्यात येणार आहे.
या महिलेला सुरवातीला मुंगसे हुन चोपडा खाजगी रुग्णालयात दाखल केले होते. त्यानंतर जळगांव येथे खाजगी रुग्णालयात उपचार केल्यावर जळगाव येथील जिल्हा रुग्णालयात शुक्रवारी दाखल करण्यात आले होते. शनिवारी या महिलेचा रिपोर्ट पॉझिटीव्ह आला आहे.तसेच आरोग्य यंत्रणा आणि पोलिस हे मुंगसे येथे रवाना झाले असून या महिलेच्या संपर्कात कोण आहेत ? याचा शोध घेत आहेत. दरम्यान ह्या घटनेमुळे तालुक्यात खळबळ उडाली असून अमळनेरकर नागरिकांनी आता तरी खबरदारी बाळगावी असे आवाहन सुज्ञ नागरिकांनी केले आहे.
ग्रामीण भागात कोरोनाची एन्ट्री झाल्याने संपूर्ण तालुक्याला अलर्ट राहण्याची आवश्यकता निर्माण झाली आहे.पुढील ३ दिवस तालुका पूर्णपणे बंद राहील,असे सांगण्यात येत आहे.
कोणत्याही टिप्पण्या नाहीत:
टिप्पणी पोस्ट करा