शेगाव प्रतिनिधी लॉकडाऊन असल्यामुळे हातावर पोट असणारे गरीब,निराधार,विधवा,परितक्त्या यांच्या कुटुंबाचा दोन वेळच्या जेवणाचा भीषण प्रश्न निर्माण झाला आहे. अशा या संकटसमयी अनेक माणुसकीचे हात पुढे येत समाजाचे काही देने लागतो हा दृष्टिकोन समोर ठेवून प्रेम नांदोकार या तरुणाच्या पुढाकाराने स्थानिक सिद्धेश्वर नगरातील नागरिकांनी अक्षयतृतीयेच्या शुभ मुहूर्तावर खारीचा वाटा उचलून 30 गरजू कुटूंबाना जीवनावश्यक वस्तूच्या किटचे वाटप करून आपल्या पितरांना खरी श्रद्धांजली अर्पण करून नवीन आदर्श निर्माण केला आहे.
या अनुषंगाने वर्गणी करून वाटप केलेल्या किट मध्ये 5 किलो गहू,2 किलो तांदूळ,2 किलो साखर,1 किलो तूरडाळ,1 किलो तेल,मीठ1 किलो,मिरची पावडर 1 पाव इत्यादी साहित्य होते.वाटपावेळेस सोशल डिस्टनसिंगचे पालन केले गेले. यावेळी गोरे, सोनुने, चोपडे, भटकर, भारंबे, लांडे, घोराळे, सोळंके, आंधळे, गणोरकर, ठाकरे, शेळके, डाबेराव, शेजोळे, मिरटकर, नेमाडे, इंगळे, लखाडे, बोबडे, ठाकूर, शेळके, मिरगे, बायड, मांडवगणे, राठोड,व्यवहारे, जुमळे, गोसावी यांचे सहकार्य लाभले.
कोणत्याही टिप्पण्या नाहीत:
टिप्पणी पोस्ट करा