शिरपूर प्रतिनिधी औरंगाबाद येथील दैनिक दिव्य मराठीच्या आवृत्तीचे संपादक, प्रकाशक व वार्ताहर यांच्याविरोधात प्रशासनाने गुन्हा दाखल केला आहे.
याविरोधात मंगळवारी शिरपूर शहर व तालुका पत्रकार संघाच्या पदाधिकाऱ्यांनी प्रांताधिकारी विक्रमसिंह बांदल यांना निवेदन दिले आहे.
निवेदनात म्हटले आहे,औरंगाबाद येथील दैनिक दिव्य मराठी आवृत्तीचे संपादक,प्रकाशक व वार्ताहर यांच्याविरोधात प्रशासनाने गुन्हा दाखल केला आहे. कोरोना काळात प्रशासनातील त्रुटी दाखवून सर्वसामान्यांच्या आरोग्याची काळजी केल्याने माध्यमांना दाबण्याचा हा प्रयत्न होत आहे.
त्यामुळे औरंगाबाद येथील सायबर सेलने दैनिक दिव्य मराठीच्या संपादक, प्रकाशक व वार्ताहर यांच्याविरुद्ध गुन्हा दाखल केला आहे. हा लोकशाहीचा गळा घोटण्याचा प्रकार आहे. यातून जणू ही लोकशाही आहे की आणीबाणीचा काळ आहे ? असा प्रश्न आता पत्रकारांसह सर्व सामान्यांना पडला आहे. सत्यता चव्हाट्यावर आणल्याने गुन्हे दाखल करून माध्यमांची गळचेपी करण्यात येत आहे.
याचा शिरपूर शहर व तालुका पत्रकार संघाच्या वतीने तीव्र निषेध करण्यात येत आहे. प्रशासनाने तातडीने दिव्य मराठीच्या विरोधातील गुन्हे मागे घ्यावेत अशी मागणी ही पत्रकार संघाच्या वतीने करण्यात आली आहे.
यावेळी पत्रकार संघाचे ईश्वर बोरसे,बोरसे किशोर माळी, संतोष भोई,युवराज राजपूत, संजय पाटील, महेंद्र जाधव, राहुल पाटील, भिका चव्हाण, राजेंद्र पाटील,जयंत सरदार,प्रशांत चौधरी आदी उपस्थित होते.
कोणत्याही टिप्पण्या नाहीत:
टिप्पणी पोस्ट करा