थाळनेर (प्रतिनिधी) शिरपूर तालुक्यातील थाळनेर येथे जिल्हा परिषद वार्षिक योजनेतून १५ लाख रुपये खर्चाच्या कॉंक्रीट रस्ता कामाचा शुभारंभ धुळे जिल्हा परिषद अध्यक्ष डॉ.तुषार भाऊ रंधे यांच्या हस्ते करण्यात आला.
या कार्यक्रमाच्या अध्यक्षस्थानी शिरपूर तालुक्याचे आमदार काशीराम दादा पावरा हे होते. यावेळी प्रमुख पाहुणे म्हणून थाळनेर गटाच्या जिल्हा परिषद सदस्य सौ.भैरवी प्रेमचंद शिरसाठ, थाळनेर गणाचे पंचायत समिती सदस्य विजय बागुल, माजी जिल्हा परिषद सदस्य नरेंद्र सिंग जमादार, माजी पीक संरक्षण सोसायटी चेअरमन एकनाथ जमादार, भोजुसिंग जमादार आधी उपस्थित होते.
मान्यवरांचा सत्कार सरपंच प्रशांत पाटील, उपसरपंच सौ. आशाबाई वामन कोळी व ग्रामपंचायत सदस्य यांच्या हस्ते करण्यात आला. या रस्ता काँक्रेट कामासाठी जिल्हा परिषदेच्या वार्षिक योजनेतून १५ लाख रुपये देण्यात आले आहेत. सदर रस्त्याचे काँक्रीट काम हितेंद्र जमादार यांच्या घरापासून ते प्रदीप मराठे यांच्या घरापर्यंत करण्यात येणार आहे. तसेच ग्रामस्थांनी केलेल्या मागणीनुसार धुळे जिल्हा परिषद अध्यक्ष डॉ. तुषार रंधे यांनी जिल्हा परिषदेतून थाळनेर गावासाठी तीर्थक्षेत्र विकास निधी, जनसुविधा योजनेतून, नागरी सुविधा योजनेतून गावातील विविध कामासाठी ५० लाख रुपयांचा निधी दिला आहे. त्याबद्दल ग्रामस्थांचा तर्फे सरपंच यांनी आभार व्यक्त केले.
धुळे जिल्हा परिषद अध्यक्ष डॉ.तुषार रंधे यांनी तापी नदीकाठी जाऊन अमरधाम जागेची पाहणी केली व सर्व सुविधायुक्त अमरधाम उभारण्याची सूचना अधिकार्यांना दिली. तसेच तीर्थक्षेत्र विकास निधी कुठे खर्च करण्यात येणार आहे त्या जागेची ही पाहणी केली.
यावेळी शिरपूरचे नगरसेवक रोहित रंधे, दिपक जमादार, ग्रामपंचायत सदस्य रुपेश निकम , नवनीत वाडीले, जुबेर मन्यार, श्याम भील, भटू शिरसाठ, अनिल मराठे, रमेश मराठे, सर्जेराव पाटील, शांताराम कोळी, भरत मराठे, डोंगर कोळी, उज्वल निकम, दिलीप कोळी ,गोपाल जमादार,वामन कोळी, रमेश शिरसाठ, जितेंद्र माळी, कैलास माळी, ग्राम विकास अधिकारी वेताळे, ठेकेदार हितेंद जमादार आदी उपस्थित होते. सूत्रसंचालन शाम ठाकरे यांनी केले.
कोणत्याही टिप्पण्या नाहीत:
टिप्पणी पोस्ट करा