परंडा (राहूल शिंदे )दि.22आपसी परस्पर बदलीने आलेल्या शिक्षकांची पुर्वीच्या जिल्हा परिषदेतील सेवा ग्राह्य धरून सेवा जेष्ठता यादीत दुरूस्ती करावी या विषयाचे अनुषंगाने दिनांक १७ मे २०१९ रोजी मुख्य कार्यकारी अधिकारी संजय कोलते यांना निवेदन देवून केली होती परंतू अद्यापही हा प्रश्न मार्गी न लागल्याने स्मरणपर निवेदन शिक्षणाधिकारी रोहिणी कुंभार मॅडम यांना देण्यात आले.
महाराष्ट्र जिल्हा परिषद सेवा (सेवा
प्रवेश)नियम १९६७ मधील पोटनियम ८ (२).
शासन परिपत्रक क्र. आंजिब/२०१८/प्र.क्र.५६३/आस्था-७ दि.२८ जाने.२०१९.सदरील परिपत्रकिनुसार आपसात (परस्पर) बदलीने अशा नेमणुका झाल्यास नेमणूक झालेली व्यक्ती आपल्या पुर्वीच्या जिल्हा परिषदेची ज्येष्ठता कायम ठेवतील किंवा ज्या जिल्हा परिषद कर्मचा-यांच्या पदावर आपसात(परस्पर)बदलीद्वारे नेमणूक झाली असेल त्या कर्मचा-यांची ज्येष्ठता या दोन्हीपैकी जी कमी असेल ती ज्येष्ठता ग्राह्य धरावी.
अशा आशयाचे निवेदन देण्यात आले यावेळी प्रहार शिक्षक संघटनेचे जिल्हाध्यक्ष वैजिनाथ सावंत,जिल्हा नेते संतुक कडमपल्ले, जिल्हा कार्याध्यक्ष विशाल अंधारे, परंडा तालुका अध्यक्ष विनोद सुरवसे,बालाजी वाघमोडे आदि.पदाधिकारी उपस्थित होते.
कोणत्याही टिप्पण्या नाहीत:
टिप्पणी पोस्ट करा