कोरोनाची साखळी तोडण्यासाठी सर्वांनी सहभागी व्हावे..! सर्व पक्षीयांचा निर्णय..!
-शेगाव प्रतिनिधी उमेश राजगुरे-
शेगाव शहरात कोरोनाचा धोका वाढत असून दररोज नवनवीन रुग्णआढळून येत आहेत. ही अतिशय चिंतेची बाब असून कोरोनाची साखळी तोडण्यासाठी नागरिकांनी तीन दिवस जनता कर्फ्यु पाळावा असे, आवाहन शेगावकरांनी केले आहे
इतर शहरांप्रमाणे शेगाव कोरोना हॉटस्पॉट होण्याच्या मार्गावर आहे. शहरातील कोरोना रुग्ण संख्या खप मोठी झाली आहे. गत काही दिवसापासून शहरात दररोज कोरोना रुग्ण आढळून येत आहेत. यामुळे कोरोनाचा धोका अधीक वाढत आहे. वेळीच प्रतिबंध न केल्यास परिस्थिती हाता बाहेर जाण्याची शक्यता नाकारता येत नाही. त्यामुळे कोरोनाची साखळी तोडणे अत्यावश्यक झाले आहे. तरी शहरातील सर्व व्यापारी, व्यवसायिक, तसेच नागरीकांनी सोमवार मंगळवार आणि बुधवार असे तीन दिवस स्वयंसपूर्तीने जनता कर्फ्यु पाळावा असे सर्व पक्षीयांनी केले आहे. या काळात नागरीकांनी स्वतःची व परिवाराची सुरक्षा लक्षात घेता घरातच राहवे .अत्यावश्यक काम नसल्यास घरा बाहेर पडू नये सर्वांनी जबाबदारी म्हणून हा जनता कर्फ्यु पाळल्यास आपण नक्कीच कोरोना हरवू शकतो असा विश्वास शेगावकरांना आहे.
( *या काळात फक्त अत्यावश्यक सेवाच काही विहित काळासाठी सुरु राहतील असे ठरविण्यात आले असल्याचे समजते* .)
कोणत्याही टिप्पण्या नाहीत:
टिप्पणी पोस्ट करा