परंडा (राहूल शिंदे) दि.10 भाजपाचे सरचिटणीस आ. सुजितसिंह ठाकूर यांच्यासह कुटुंबातील 6व्यक्तीचे रिपोर्ट पॉझिटिव्ह आले आहेत. काही दिवसापूर्वी आ.ठाकूर यांच्या आई आजारी असल्याने मंगळवारी कुटुंबातील सर्वांची रॅपीड अॅन्टीजन टेस्ट करण्यात आली होती.
ठाकूर यांच्या कुटूंबातील 6 सदस्य कोरोना बाधित असल्याचा अहवाल आला आहे. रविवारी पून्हा सदस्य व संपर्कातील सर्वांचे आरटीपीसीआर करण्यात आले. दरम्यान कुटूंबातील आणखी 3 तर संपर्कातील 3 जण बाधित असल्याचा अहवाल आला आहे.
अजूनही 3 जणांचे अहवाल येण्याचे बाकी असून आमदार ठाकूर यांच्यासह सर्वांची प्रकृती चांगली असल्याची माहिती ठाकूर यांनी फेसबुकद्वारे प्रसारित केली आहे. आपल्या संपर्कात आलेल्यांनीही कोरोना तपासणी करुन घ्यावी असेही ठाकूर यांनी आवाहन केले आहे.
कोरोनाच्या 4 महिन्यांच्या काळापासून स्वतःची परवा न करता सर्व सामन्य जनमाणसांत जाऊन कार्य करत आहेत.नुकतेच शेतकऱ्यांच्या दुधाला चांगला भाव मिळावा म्हणून रस्तारोको आंदोलन करून प्रश्न मांडला. जनसामन्याचा नेता म्हणून त्यांची ओळख आहे.साहेब लवकर बरे व्हावे यासाठी नागरीक प्रार्थना करत आहेत.
मी 3 ऑगस्टपासून बाहेर कोणाच्याही संपर्कात नाही. काळजीपोटी अनेकांचे फोन येतात, मात्र सर्वांना उत्तर देणं शक्य नाही. मोबाईल संदेशाद्वारे कामासाठी उपलब्ध असेन.
सुजितसिंह ठाकूर, प्रदेश सरचिटणीस, भाजपा.
जिल्ह्यातील दोन आमदारांना कोरोना
आ. ठाकूर यांच्यापूर्वी उमरग्याचे शिवसेना आ. ज्ञानराज चौगुले यांना कोरोनाची बाधा झाली होती. लोकप्रतिनिधीच कोरोना बाधित होत असल्याने सामान्य जनता हतबल झाली आहे.
कोणत्याही टिप्पण्या नाहीत:
टिप्पणी पोस्ट करा