तोरखेडा प्रतिनिधी:बाबू मण्यार: शहादा तालुक्यातील वडाळी - खैरवे रस्त्यालगत असलेल्या पृथ्वीराज चव्हाण यांच्या कापसाच्या शेतातील विहिरी जवळ पिंपळाच्या झाडाखाली बेवारस अवस्थेत पुरुष जातीचे अनोळखी इसमाचा मृतदेह आढळला आल्याने एकच खळबळ उडाली आहे.
सदर घटनेची वडाळी ता.शहादा येथील पोलीस पाटील गजेंद्रगिरी गोसावी यांनी सारंगखेडा पोलीस ठाण्यात खबर दिली असता. घटनास्थळी पोलिसांनी हजेरी लावत घटनेचा पंचनामा केला.
सदर मयत व्यक्तीचे नाव गाव माहीत नसल्याने ओळख पटली नाही. मयत इसमाचे अंदाजे वय 47 असून वर्णन बांधा सडपातळ,उंची पाच फूट,रंग सावळा,डोक्याचे केस काळे, दाढीचे केस वाढलेले व सफेद, अंगावर लाल रंगाचे फुलबाहीचे शर्ट व राखाडी कलर चे स्वेटर तर उजव्या हातावर ओम ,जय भिम ,तसेच HS ,AS असे गोंधलेले आहे.
तरी सदर इसमाची ओळख पटल्यास सारंगखेडा पोलिसांची त्वरित संपर्क साधावा असे आवाहन सारंगखेडा पोलीस ठाण्याचे पोलीस निरीक्षक राजेंद्र शिरसाठ यांनी केले आहे.
कोणत्याही टिप्पण्या नाहीत:
टिप्पणी पोस्ट करा