गेले काही दिवस कोरोना रुग्णाची संख्या ५० च्या आत होती. मात्र शुक्रवारी ८७रुग्ण पॉजिटीव्ह आले आहेत.उस्मानाबाद ४१, तुळजापूर १३, उमरगा ११, लोहारा २, कळंब ९, वाशी ३, भूम २, परंडा ६ अशी संख्या आहे.
उस्मानाबाद जिल्ह्यातील शाळा ( ९ वी ते १२ वर्ग ) सोमवारपासून सुरु होणार आहेत, त्यात उस्मानाबाद शहरातील भोसले हायस्कुल मधील जवळपास २० शिक्षक व कर्मचारी तसेच उमरगा येथील बसवेश्वर शाळेतील ६ शिक्षक कोरोना पॉजिटीव्ह आले आहेत.
उस्मानाबाद जिल्ह्यात ९ वी ते १२पर्यंतच्या ४९१ शाळा असून, त्यात ४हजार ५९३ शिक्षक आहेत. त्यापैकी ३ हजार ७८६ शिक्षकांनी कोरोना चाचणी केली आहे, त्यातील ४८ शिक्षक कोरोना पॉझिटिव्ह आले आहेत. तर ३ हजार ७०२ शिक्षक कोरोना निगेटिव्ह आल्याची माहिती माध्यमिक शिक्षणाधिकारी सुसर यांनी दिली आहे. ८०७ शिक्षकांचे कोरोना अहवाल येणे अद्याप बाकी आहेत.
शाळेची घंटा वाजण्याअगोदरच धोक्याची घंटा वाजत असल्याने पालक आणि शिक्षक चिंताग्रस्त झाले आहेत.
शाळा पुन्हा सुरू होईल की सुरू होण्या अगोदरच बंद राहिल अशी चिंता व्यक्त होत आहे.
कोणत्याही टिप्पण्या नाहीत:
टिप्पणी पोस्ट करा