धुळे प्रतिनिधी:आपल्यावर दाखल झालेल्या गुन्ह्यासंदर्भात माजी आमदार अनिल गोटे यांनी स्पष्टीकरण देताना आमदार जयकुमार रावल यांच्यावरच उलट आरोप केले आहेत. रावल यांच्या फार्मवर रात्री-अपरात्री महिलांचे येणे जाणे असते, असा गंभीर आरोप गोटे यांनी केला आहे.
माजी आमदार अनिल गोटे यांच्यावर आमदार जयकुमार रावल यांच्या फार्महाऊसवर जाऊन धिंगाणा केल्याबद्दल गुन्हा दाखल करण्यात आला आहे. माजी मंत्री जयकुमार रावल यांच्या दोंडाईचा ताकरखेडा येथील फॉर्म हाऊसमध्ये बेकायदेशीररित्या प्रवेश करुन कर्मचाऱ्यांना शिवीगाळ आणि धमकी दिल्याप्रकरणी माजी आमदार अनील गोटे यांच्याविरोधात दोंडाईचा पोलीस ठाण्यात गुन्हा दाखल करण्यात आला आहे.
आमदार जयकुमार रावल यांच्या टाकरखेडा येथील फार्म हाऊस वर अनिल गोटे आणि त्यांचे कार्यकर्त्यांनी बेकायदेशीर प्रवेश केल्या मुळे वॉचमन प्रतापसिंग गिरासे यांनी फिर्याद दिली आहे. यावर माजी आमदार तथा राष्ट्रवादीचे ज्येष्ठ नेते अनिल गोटे यांनी स्पष्टीकरण देताना आमदार जयकुमार रावल यांनी आमदार रावल यांच्या फार्महाऊसवर रात्री-अपरात्री महिलांच येणं जाणं सुरू असतंआणि या अनोळखी महिलांना भेटण्यासाठी आमदार जयकुमार रावल फार्म हाऊस वर रात्री-अपरात्री जातात. हे मला कार्यकर्त्यांनी सांगितल्यानंतर याची पडताळणी करण्यासाठी मी रावल यांच्या फार्महाऊसवर गेलो होतो व त्या ठिकाणी कुठल्याही प्रकारचा वाद झाला नसून माझ्यावर खोटा गुन्हा दाखल करण्यात आला आहे असे स्पष्टीकरण गोटे यांनी दिले आहे.
कोणत्याही टिप्पण्या नाहीत:
टिप्पणी पोस्ट करा