प्रतिनिधी रावेर निंभोरा बुद्रुक ता.रावेर येथून जवळच ऐनपूर येथील सरदार वल्लभभाई पटेल कला व विज्ञान महाविद्यालयात कवयित्री बहिणाबाई चौधरी यांच्या स्मृती दिनानिमित्त प्रा.डॉ.के.जी.कोल्हे यांचे व्याख्यान आयोजित करण्यात आले होते.
कवयित्री बहिणाबाई चौधरी यांच्या ओव्यातून त्यांनी जीवनाचे तत्वज्ञान सांगितले. बहिणाबाईंनी आपल्या ओव्यातून संसाराचे, निसर्गाचे, परीस्थितीचे वर्णन केले आहे असे प्रमुख वक्ते डॉ.के.जी.कोल्हे यांनी सांगितले. कार्यक्रमाचे अध्यक्ष प्राचार्य डॉ.जे.बी अंजने यांनी सांगितले कवयित्री बहिणाबाई चौधरींची निरीक्षण शक्ती जबरदस्त होती. त्यांच्या ओव्यामधून त्यांच्या निरीक्षण शक्ती चे दर्शन होते. आपल्या ओव्यातून त्यांनी जीवनाचे सार सांगितले आहे. अक्षरशत्रू असूनही त्यांच्या ओव्यांवर अनेक लोक संशोधन करत आहेत. म्हणूनच त्यांचे नाव विद्यापीठाला देण्यात आले आहे.
कार्यक्रमाचे प्रस्ताविक प्रा.महेंद्र सोनवणे यांनी, सुत्रसंचलन प्रा.दिलीप सोनवणे यांनी केले. तर आभार मराठी विभाग प्रमुख प्रा.डॉ.सौ.रेखा पाटील यांनी मानले. कार्यक्रमाला ८९ प्राध्यापक, शिक्षकेतर कर्मचारी,व विद्यार्थी उपस्थित होते. सदर कार्यक्रमाचे आयोजन मराठी विभागामार्फत करण्यात आले होते.
कोणत्याही टिप्पण्या नाहीत:
टिप्पणी पोस्ट करा