शेगाव शहर (उमेश राजगुरे) दि.9 शेतकऱ्यांच्या भारत बंदला जोरदार सुरुवात झाली आहे. 'स्वाभिमानी'चे नेते रविकांत तुपकरांनी कार्यकर्त्यांसह चेन्नई - अहमदाबाद (नवजीवन) एक्सप्रेस मलकापूर रेल्वे स्थानकावर रोखली आहे. दिल्लीतील शेतकरी आंदोलनावर केंद्र सरकारने तात्काळ तोडगा काढावा यासाठी बुलडाणा जिल्ह्यात स्वाभिमानी शेतकरी संघटना आज सकाळ पासून रस्त्यावर उतरली आहे. सकाळी 6.40 वा. चेन्नई - अहमदाबाद एक्सप्रेस रोखून रविकांत तुपकरांनी आक्रमक पवित्रा घेतला आहे. यावेळी रविकांत तुपकर व कार्यकर्त्यांची पोलिसांसोबत बाचाबाची झाली. त्यामुळे 'स्वाभिमानी' व पोलिसांमध्ये चांगलाच संघर्ष निर्माण झाल्याचे बघायला मिळाले यावेळी रविकांत तुपकरांसह शेकडो कार्यकर्त्यांना पोलिसांनी ताब्यात घेतले आहे..आजचा रेल रोको हा ट्रेलर आहे जर लवकर तोडगा काढला नाही तर दिल्लीकडे जाणारी सर्व वाहतूक रोखू असा इशारा रविकांत तुपकरांनी यावेळी दिला आहे.
कोणत्याही टिप्पण्या नाहीत:
टिप्पणी पोस्ट करा