उस्मानाबाद (राहूल शिंदे)दि.1लहुजी शक्ती सेना उस्मानाबाद जिल्हा कार्यकारिणीच्या जिल्हा सचिव या पदावर संतोष हनुमंते यांची नियुक्ती करण्यात आली.
याबाबत सविस्तर माहिती अशी की मातंग समाजातील अत्यंत आक्रमक संघटना म्हणून सर्वपरिचित असणारी "लहुजी शक्ती सेना" या संघटनेच्या उस्मानाबाद जिल्हा सचिव या पदावर समुद्रवाणी ता. उस्मानाबाद येथील संतोष हनुमंते या युवा, सामाजिक कार्यात अग्रेसर असणाऱ्या सामाजिक कार्यकर्त्यांची निवड करण्यात आली.
हे उच्चविद्याविभूषित असून मातंग समाजाच्या सर्वच प्रश्नाची जाण असणारे, अत्यंत प्रभावी संभाषण कौशल्य आणि क्रियाशील कार्यकर्ते आहेत.त्यांना लहुजी शक्ती सेनेच्या महाराष्ट्र प्रदेश अध्यक्ष मा. सोमनाथ कांबळे तसेच राज्य कार्यकारिणी सदस्य शिवाजी गायकवाड, उस्मानाबाद जिल्हा कार्याध्यक्ष संभाजी कांबळे, लहुजी शक्ती सेना कट्टर समर्थक महेश सोनपारखे , जिल्हा संघटक विशाल कांबळे, किसन देडे, अजय कांबळे यांच्या हस्ते नियुक्ती देण्यात आली. सोमनाथ कांबळे यांनी संतोष हनुमंते यांना जबाबदारी सह पुढील कार्यासाठी शुभेच्छा दिल्या.
कोणत्याही टिप्पण्या नाहीत:
टिप्पणी पोस्ट करा