नवी दिल्ली : मागील काही दिवसांपासून विक्रमी पातळीवर गेलेल्या पेट्रोल आणि डिझेलच्या किंमती पुन्हा एकदा कमी होण्याची शक्यता आहे. सणासुदीच्या काळात पेट्रोल आणि डिझेलच्या दरात कपात केल्यानंतर आता पुन्हा एकदा इंधनाच्या दरात घसरण होण्याची शक्यता आहे.
विशेष म्हणजे दिवाळीच्या एक दिवस आधी केंद्र सरकारने पेट्रोलवर प्रतिलिटर 5 रुपये आणि डिझेलच्या दरात 10 रुपयांची कपात केली होती. त्यामुळे वाहनधारकांना मोठा दिलासा मिळाला होता. आता पुन्हा एकदा इंधनाच्या दरात घसरण होण्याची शक्यता आहे.
दरम्यान, कोरोना संसर्गामुळे गेल्या वर्षी आंतरराष्ट्रीय स्तरावर कच्च्या तेलाच्या किमतीत घसरण झाली होती. पुन्हा एकदा कोरोनाचा संसर्ग वाढताना आहे आणि त्यामुळे तेलाच्या किमती कमी झाल्या आहेत. बेंचमार्क ब्रेंट क्रूड (Brent crude) 6.95 टक्क्यांनी घसरून 78.89 डॉलर प्रति बॅरल झाले आहे, जे 10 दिवसांपूर्वी 84.78 डॉलर प्रति बॅरल होते.
सर्वसामान्यांना दिलासा मिळणार
सरकारी तेल कंपन्यांनी ऑटोमोबाईल इंधनावर नफा कमावला आहे. जागतिक स्तरावर तेल बाजारातील घसरणीच्या ट्रेंडचा अभ्यास केल्यानंतर असे आढळून आले की, मागील वर्षी कोरोना संसर्ग वाढला असताना इंधनाच्या किमतीत घट नोंदवली गेली होती.
आता पुन्हा जगात कोरोना संसर्ग वाढत असल्याने आंतरराष्ट्रीय बाजारात कच्चा तेलाच्या किमतीत घट होत आहे. त्यामुळे पेट्रोल-डिझेलची मागणी कमी होत आहे. सध्या सामान्य जनतेला पेट्रोल – डिझेलच्या दरांमध्ये घट होईल अशी अपेक्षा आहे.
देशातील 4 शहरातील आजचे दर
शहर पेट्रोल / प्रति लीटर डिझेल/ प्रति लीटर
दिल्ली – 103.97 86.67
मुंबई – 109.98 94.14
चेन्नई – 101.40 91.43
कोलकाता – 104.67 89.79
4 नोव्हेंबरपासून इंधनाच्या किमती स्थिर
भारतातील ऑटोमोटिव्ह इंधनाच्या किरकोळ किमती 4 नोव्हेंबरपासून स्थिर आहेत. केंद्र सरकारने 3 नोव्हेंबर रोजी पेट्रोल आणि डिझेलच्या दरात प्रतिलिटर 5 आणि 10 रुपयांची कपात केली होती. त्यानंतर देशातील मेट्रो शहरांमध्ये पेट्रोल-डिझेलचे दर स्थिर आहेत.
तरुण गर्जना वृत्तपत्र सह
चंद्रशेखर अहिरराव धुळे
चंद्रशेखर अहिरराव धुळे
कोणत्याही टिप्पण्या नाहीत:
टिप्पणी पोस्ट करा