विशेष म्हणजे याच अरिहंत ज्वेलर्स दुकानात ७ वर्षांपूर्वीही चोरी झाली होती.सराफ बाजारातील अरिहंत ज्वेलर्स या ठिकाणी नेहमीप्रमाणे व्यवहार सुरू होता.या वेळी एक पुरुष व तीन महिला या ग्राहक बनून आले.सुरुवातीला त्यांनी सोन्याचा नेकलेस व नंतर मंगलपोत पाहावयास घेतली.चौघांवर विश्वास ठेवून त्यांना नेकलेस व मंगलपोत दाखवण्यात आली.यानंतर हातचालाखीने चौघांनी नेकलेस व मंगलपोत लांबवली.यानंतर चौघे ही पसार झाले.सायंकाळी व्यवहार बंद करताना हा प्रकार समोर आला . यानंतर सीसीटीव्ही पडताळल्यावर दुकानात आलेल्या चौघांचा प्रताप समोर आला. दुपारी १२ वाजून ७ मिनीटे ते १२ वाजून २२ मिनीटे या काळात ही चोरी झाली.
चोरीस गेलेल्या दागिन्यांची किंमत दोन लाख २५ हजार ९ ०० रुपये एवढी आहे . या प्रकरणी दुकानातील मॅनेजर संजय शांतीलाल खिवसरा ( वय ५१ ) यांच्या तक्रारीवरुन अज्ञात चौघा चोरटया विरुध्द धुळे शहर पोलिस ठाण्यात गुन्हा दाखल करण्यात आला आहे.सीसीटिव्ही फुटेजचा आधार घेवू शोध सुरू झाला आहे.
कोणत्याही टिप्पण्या नाहीत:
टिप्पणी पोस्ट करा