साक्री तालुक्यातील म्हसदी ते काळगाव,देऊर ते वसमार, म्हसदी ते भडगाव या रस्त्यांवरील वाहतुकीला अडथळा ठरणाऱ्या नदी व नाल्यांवरील रस्त्यांवर अनेक ठिकाणी पूल नाल्यांवर पाईप मोरी बांधण्याची मागणी जनतेकडुन होत होती.याबाबत मा.प.स.सदस्य राजधर देसले यांनी साक्री तालुक्याच्या आ.मंजुळाताई गावित व सार्वजनिक बांधकाम विभाग यांना पाठपुरावा केल्याने मोरीच्या कामाला प्रारंभ झाला आहे. त्यामुळे परिसरात मा.आ.गावित तसेच प.स.मा.राजधर देसले यांचे कौतुक होत आहे.
म्हसदी ते काळगाव रस्त्यावरील अमरावती नदीवर व पठाडी चिंच नाल्यावर तसेच म्हसदी ते ककाणी रस्त्यावरील गुलबल्या व नामेद ( दरा ) असे दोन नाले आहेत.पावसाळ्या या दोन्ही नाल्यांना सतत पाणी वाहत असते.परिणामी या नाल्यांवर शेवाळ चालून येते.त्यामुळे या शेवाळवर दुचाकी वाहने घसरतात आणि या नाल्यांवर अपघात घडतात.गेल्या नोव्हेंबर महिन्यात गुरे घेऊन जाणाऱ्या वाहन चालकाला नामेद नाल्याचा अंदाज आला नाही.त्यामुळे गुरांचा ट्रक पलटी होऊन सहा गुरे जागीच ठार झाल्याची घटना घडली होती.तर अन्य गुरे गंभीर जखमी झाली होती.त्यामुळे पंचायत समितीचे माजी सदस्य राजधर देसले (माऊली. यांनी या नाल्यावर फरशी अथवा पाईप मोरीचे काम व्हावे अशी मागणी मा.आ.मंजुळाताई गावित व सार्वजनिक बांधकाम विभागाकडे केली होती.याबाबत आ.गावित व प.स.सदस्य माऊली यांनी पाठपुरावा केल्यामुळे बांधकाम विभागाने याची दखल घेत या नाल्यावर पाईप मोरीच्या कामाला सुरुवात केली आहे.त्यामुळे परिसरात कौतुक होत आहे.गेल्या अनेक वर्षांपासून या नाल्याची उंची वाढवण्याची मागणी होती.या नाल्यामुळे अनेकदा दुचाकीचे अपघात झाले.आता पाईप मोरीच्या कामामुळे अपघाताला आळा बसेल.असे मा.प.स.सदस्य राजधर देसले यांनी सांगितले. तर या नाल्यामुळे नोव्हेंबर महिन्यात गुरांच्या ट्रकला भीषण अपघात झाला होता.या अपघातात निष्पाप गुरांचा बळी गेला होता.हृदय पिळवटून टाकणारी घटना होती.त्यामुळे संबंधित विभागाकडे व आमदार मंजुळाताई गावितांकडे नाल्यावर फरशी अथवा पाईप मोरीच काम व्हावे,अशी मागणी केली होती. याची दखल आ.गावित व बांधकाम विभागाने घेतली.त्यामुळे निश्चित अपघात टळतील,असे पंचायत समितीचे मा.सदस्य राजधर देसले माऊली यांनी यावेळी सांगितले.
तरुण गर्जना वृत्तपत्र सह
चंद्रशेखर अहिरराव धुळे
कोणत्याही टिप्पण्‍या नाहीत:
टिप्पणी पोस्ट करा