आखाडू दगाजी सोनवणे हे कर्मचारी शिरपूर वरवाडे नगरपरिषद संचालित इंदिरा गांधी मेमोरियल हॉस्पिटल मध्ये लिपिक म्हणून कार्यरत होते.
26 सप्टेंबर 1991 रोजी ते सेवेत दाखल झाले होते. तर 17 ऑगस्ट 2020 रोजी दवाखान्यात कोविड बाबत कर्तव्य बजावत असताना मृत्युमुखी पडले. त्यांच्या सेवेचा कालावधी 28 वर्षे 10 महिने असून प्रामाणिकपणे काम करणारे कर्मचारी म्हणून ते प्रसिद्ध होते.शासनाच्या वतीने दि इंडिया इन्शुरन्स कंपनी मार्फत त्यांना 50 लक्ष रुपयांचे विमा कवच सानुग्रह सहाय्य अनुदान मंजूर झाले.
वारसदार श्रीमती लक्ष्मीबाई आखाडू सोनवणे व कुटुंबीय यांना सदर 50 लक्ष रुपयांचा विमा कवच सानुग्रह सहाय्य अनुदान धनादेश माजी नगराध्यक्ष प्रभाकरराव चव्हाण,मुख्याधिकारी तुषार नेरकर यांच्या हस्ते प्रदान करण्यात आला. यावेळी इंदिरा गांधी हॉस्पिटल व्यवस्थापक विष्णू गिरासे, किशोर वाणी, महेंद्र सोनगडे आदि उपस्थित होते.
कोणत्याही टिप्पण्‍या नाहीत:
टिप्पणी पोस्ट करा