दिवसेंदिवस वाढत जाणाऱ्या बेरोजगारीच्या काळात विद्या विकास मंडळाच्या सि गो पाटील महाविद्यालयातील राष्ट्रीय छात्र सेना विभागातील सात छात्र सैनिक भारतीय सेनेत अग्नीवीर सैनिक म्हणून यशस्वीरित्या भरती झाले आहेत.
केंद्र शासनाने अग्निपथ योजने अंतर्गत भारतीय सेनेच्या तीनही दलांकरिता देशपातळीवर भरती प्रक्रिया राबविली होती.मुंबई येथील आर्मी भरती कार्यालयाकडून आयोजित केलेल्या सैनिक भरती प्रक्रियेत ४८ महाराष्ट्र बटालियन व महाविद्यालयातील एनसीसी विभागातील या सात छात्र सैनिकांची निवड झाली आहे.
विशेष म्हणजे हे तरुण सर्वसामान्य कुटुंबातील शेतीकाम व एनसीसी चे प्रशिक्षण घेणारे आहेत.हल्ली बेरोजगारीच्या काळात तरुणांचा कल हा पोलीस भरती किंवा सैन्य दलात भरती होण्याकडे जास्त असतो.यासाठी विविध परीक्षांसोबत शारीरिक कसरती करण्याकडे तरुणांचा कल वाढला आहे.
या सर्व प्रक्रियेत तरुणांना महाविद्यालयीन जीवनात राष्ट्रीय छात्र सेना अर्थात एनसीसी अधिक मार्गदर्शक ठरते.भरती झालेल्या छात्र सैनिकांची नावे पुढीलप्रमाणे आहेत.
1) गौरव कलाल,फर्स्ट एसटीसी सिग्नल जबलपूर
2) निलेश जाधव,आर्टिलरी हैदराबाद
3) कृष्णा ठाकरे,आर्टिलरी हैदराबाद
4) भुषण सावळे,मराठा लाईट बेळगाव
5) मनोज महाले, अहमदनगर
6) शरद अहिरे,महार रेजिमेंट
7) भुषण अहिरे,अहमदनगर
सदर तरुणांची देशसेवेसाठी निवड झाल्यामुळे महाविद्यालय,त्यांचे कुटुंब व गावातील ग्रामस्थांमध्ये आनंदाचे वातावरण निर्माण झाले आहे.
निवड झालेल्या महाविद्यालयातील छात्रसैनिकांना ४८ महाराष्ट्र बटालियनचे कमांडिंग ऑफिसर कर्नल पराग कुलकर्णी, महाविद्यालयाचे प्राचार्य डॉ.राजेंद्र अहिरे, कॅप्टन पी एन शिंदे व एनसीसी अधिकारी डॉ.भुषण अहिरराव यांचे मार्गदर्शन लाभले.तसेच निवड झालेल्या छात्रसैनिकांचे विद्या विकास मंडळाचे सचिव सुरेश पाटील, अध्यक्षा सौ मंगलाताई पाटील, उपाध्यक्ष श्री चंद्रजीत पाटील यांनी अभिनंदन केले.
तरुण गर्जना वृत्तपत्र सह
चंद्रशेखर अहिरराव धुळे
कोणत्याही टिप्पण्या नाहीत:
टिप्पणी पोस्ट करा