धुळे - धुळे तालुका पोलीस स्टेशनच्या हद्दीतील शेरे शिंदेवाडी येथे काही दिवसांपूर्वी मजुरीच्या पैशासाठी दारूच्या नशेत वाद घालून ट्रॅक्टरचा स्टेपलिंग रॉड आदर्श दत्तात्रय पिसाळ यांच्या डोक्यात घालून खूण करण्यात आला होता. या गुन्ह्यातील आरोपी खून करून पसार झाला होता. या प्रकरणाचा तपास करण्याचे आदेश जिल्हा पोलीस अधीक्षकांनी दिले होते.
त्याच माध्यमातून स्थानिक गून्हे अन्वेषण शाखेच्या पथकाने आरोपी रोहित दादासाहेब जाधव वय 35 याला फलटण येथून ताब्यात घेतले असून त्याने सदरचा खुनाची कबुली दिली आहे. गेल्या अनेक दिवसांपासून आरोपी व मयत हे सातारा जिल्ह्यातून धुळे जिल्ह्यात ट्रॅक्टरच्या सहाय्याने शेतीची माती लेव्हलिंग चे काम करत होते. मात्र मजुरीच्या पैशातून वाद झाल्याने दारूच्या नशेत आरोपीने मयताच्या डोक्यात रॉड घालून खून केला होता.
गुप्त बातमीदाराच्या माध्यमातून स्थानिक गुन्हे अन्वेषण शाखेच्या पथकाने बारा दिवसांच्या अथक परिश्रमानंतर आरोपीला अटक करण्यात यश मिळवले आहे सदरची कारवाई जिल्हा पोलीस अधीक्षक संजय बारकुंड, पोलीस उपाधीक्षक किशोर काळे , यांच्या मार्गदर्शनाखाली स्थानिक गुन्हे अन्वेषण शाखेचे पोलीस निरीक्षक हेमंत पाटील यांच्या पथकातील पोलीस उपनिरीक्षक योगेश राऊत , संजय पाटील, श्रीकांत पाटील, प्रभाकर बैसाणे, संदीप सरग, योगेश चव्हाण, कमलेश सूर्यवंशी, राहुल गिरी आदींनी केली आहे.
तरुण गर्जना वृत्तपत्र सह
चंद्रशेखर अहिरराव धुळे
कोणत्याही टिप्पण्या नाहीत:
टिप्पणी पोस्ट करा