सप्तशृंगी गडावर आज सकाळी सात वाजेला बस दरीत कोसळून वीस प्रवासी गंभीर जखणी व एक महिला ठार झाली आहे.जखमींची विचारपूस करताना नाशिक जिल्ह्याचे पालकमंत्री दादा भुसे

वणी :- नाशिकच्या सप्तशृंगी गडावर बस दरीत कोसळून झालेल्या भीषण अपघातात 1 महिला ठार झाली तर 20 प्रवाशी जखमी झाले.अपघातात आशा पाटील या प्रवाशी अपघातात ठार झाल्या.सकाळी 7 वाजेच्या सुमारास घाटातील गणपती पाईन्टजवळील बस खाली उतरत असतांना अवघड अश्या वळणावर बस घाटात 200 फूट खोल दरीत कोसळली.अपघाताची माहिती मिळताच स्थानिक नागरिक व चालत बोलत मदत केंद्राच्या सदस्यांनी तातडीने घटनास्थळी धाव घेत मदत कार्य राबविले. प्रशासनाच्या यंत्रणेकडून तातडीने मदत कार्य राबविण्यात आले.सदरची बस ही बुलढण्याच्या खामगाव आगाराची मुक्कामी बस होती.अपघाताच्या बसमध्ये चालक व वाहकांसह एकूण 23 प्रवाशी प्रवास करत होते. जखमीवर वणी ग्रामिण रुग्णालयात प्राथमिक उपचार करण्यात आले.14 गंभीर रुग्णांना पुढील उपचारासाठी नाशिकच्या जिल्हा शासकीय रुग्णालयात हलविण्यात आले आहे.तर 8 रुग्णावर वणीच्या ग्रामिण रुग्णालयात उपचार सुरू आहे.जखमीमध्ये 16 प्रवाशी अमळनेरच्या मुळी गावचे आहेत. तर सप्तशृंग गडावरील 4 प्रवाशी आहेत. घटनेची माहिती मिळताच पालकमंत्री दादा भुसे यांनी घटनास्थळी तसेच रुग्णालयात जाऊन जखमींची विचारपूस करीत तातडीने मदतकार्य राबविण्याचे प्रशासनाला आदेश दिले.

तरुण गर्जना वृत्तपत्र सह

चंद्रशेखर अहिरराव धुळे