बोराडी ता.शिरपूर वार्ताह : वाडी बु गावातील स्ट्रीट लाईट त्वरित चालू करण्याबाबत भरत भिल यांनी सांगितले.
वाडी बु गावातील स्ट्रीट लाईट अनेक महिने झालेत बंदचं आहेत. अनेक वेळा पाठपुरावा केला असता ग्रामसेवकांमार्फत अशी माहिती सांगण्यात आली आहे की स्ट्रीट लाईट चे बील भरले नाही म्हणून विद्युत पुरवठा बंद केला आहे. स्ट्रीट लाईट बंद असल्यामुळे रात्री अपरात्री महिलांना, वृद्ध व्यक्ती, मुलांना बाहेर पडणे मुश्किल व धोकादायक झाले आहे विठ्ठल मंदिर रोड वर स्ट्रीट लाईट नसल्यामुळे अनेक छोटे मोठे अपघात ही झाले आहेत याची जबाबदारी कोणाची हा मोठा प्रश्न निर्माण झाला आहे.
वाडी बु ग्रामपंचायतीने स्थानिक लोकप्रतिनिधी यांच्या निधीमधून अनेक भागांमध्ये वाड्या-वस्त्यांवर ती स्ट्रीटलाइट बसवण्यात आली आहेत. परंतु वाडी येथील जवळपास सर्वच स्ट्रीट लाईट बंद आहे. हे दुरुस्त केले जात नाही ही अत्यंत दुर्दैवी बाब आहे. बंद असलेल्या स्ट्रीट लाईट त्वरित दुरुस्त करून चालू करण्यात याव्यात अन्यथा 5 फेब्रुवारी रोजी सकाळी 11 वा.वाडी बु येथील कार्यालयासमोर उपोषणाला बसणार आहोत,असा इशारा भरत भिल यांनी दिला आहे.
कोणत्याही टिप्पण्या नाहीत:
टिप्पणी पोस्ट करा