परंडा (राहुल शिंदे )दि.२२: तालुकास्तरीय खो-खो स्पर्धेत शेळगावच्या खेळाडूंनी आपली कौशल्याची चुणूक दाखवत उत्कृष्ट कामगिरी केली आहे. या स्पर्धेत १९ वर्ष मुले खो -खो स्पर्धेत तालुक्यात प्रथम क्रमांक तर १७ वर्ष मुले खो - खो स्पर्धेत तालुक्यात द्वितीय क्रमांक मिळवला आहे. माणिकबाबा विद्यालय शेळगांव ता. परंडाच्या १५ खेळाडूंनी १९ वर्ष खो- खो स्पर्धेत बाजी मारत प्रथम क्रमांक मिळवून जिल्हास्तरीय स्पर्धेसाठी त्यांची निवड झाली. सदर क्रीडा स्पर्धा खंडेश्वरी इंग्लिश मेडीयम स्कूल परंडा येथे पार पडली.
त्यांच्या या यशामुळे शाळेचे नाव उंचावले आहे. विजयी खेळाडूंचे त्यांच्या शाळेचे संस्थापक अध्यक्ष तथा धाराशिव जिल्ह्याचे जेष्ठ नेते अँड. सुभाषराव मोरे, संस्था सचिव अमर मोरे, माजी प्राचार्य संभाजी मोरे, सुधाकर खरसडे, गुरूदास काळे, परदेशी सर आणि पालक व ग्रामस्थांनी या यशाबद्दल सर्व खेळाडू व प्राचार्य पांडुरंग कुमठकर, क्रीडा मार्गदर्शक शिंगाडे सर तसेच सर्व शिक्षक -शिक्षेकेत्तर कर्मचारी व विद्यालयाचे मनःपूर्वक अभिनंदन केले व पुढील जिल्हास्तरीय स्पर्धेसाठी शुभेच्छा दिल्या.
कोणत्याही टिप्पण्‍या नाहीत:
टिप्पणी पोस्ट करा