परंडा, दि. ४ पालकमंत्री व राज्याचे सार्वजनिक आरोग्य व कुटुंब कल्याण मंत्री डॉ. तानाजीराव सावंत यांच्या हस्ते डॉ. राहुल घुले यांच्या महत्त्वाच्या मानल्या जाणाऱ्या सहकाऱ्यांनी शिवसेनेत जाहीर प्रवेश केला. या प्रसंगी, डॉ. सावंत यांच्या विकासात्मक दृष्टीकोनाने प्रेरित होऊन आणि मान-सन्मानाने दिल्या जाणाऱ्या वागणुकीमुळे तसेच आदरामुळे हे सहकारी शिवसेनेत सामील झाले असल्याचे त्यांनी सांगितले.
या पक्षप्रवेश सोहळ्यात महिला आघाडीच्या जिल्हा प्रमुख अर्चनाताई दराडे यांच्या उपस्थितीत नितीन गुंजाळ, हरीश गाढवे, शाम पालके, मनीषा चौधरी यांच्यासह इतर अनेक मान्यवरांचा शिवसेनेत प्रवेश झाला.
शिवसेनेत नव्याने सामील झालेल्या या सदस्यांमुळे पक्षाचे स्थानिक पातळीवरील बळ वाढेल, तसेच जिल्ह्यातील विकासाला अधिक गती मिळेल अशी अपेक्षा मंत्री सावंत यांनी व्यक्त केली.
कोणत्याही टिप्पण्या नाहीत:
टिप्पणी पोस्ट करा